കൊല്ലം : ഓപ്പറേഷൻ സിന്ദൂർ എന്നെഴുതിയ അത്തപ്പൂക്കളം കണ്ട് ഹാലിളകുന്ന കേരള പൊലീസിന് മുന്നിൽ വീണ്ടും അതേ ഓപ്പറേഷൻ സിന്ദൂർ പൂക്കളം . ചെട്ടികുളങ്ങര ക്ഷേത്രത്തിൽ ദേവിയ്ക്ക് മുന്നിൽ ഒരുക്കിയ പൂക്കളത്തിലാണ് ഓപ്പറേഷൻ സിന്ദൂർ എന്ന് പൂക്കളാൽ എഴുതിയിരുന്നത് . നിരവധി പേരാണ് ഇതിന്റെ ദൃശ്യം പങ്ക് വച്ചിരിക്കുന്നത് .
അതേസമയം ഓപ്പറേഷൻ സിന്ദൂർ അത്തപൂക്കളം ഇട്ടവർക്കെതിരെ ആരൊക്കെ കേസ് എടുത്താലും പൂക്കളം ഇട്ട് അതിൽ ഓപ്പറേഷൻ സിന്ദൂർ എന്നെഴുതുമെന്നാണ് പാർത്ഥസാരഥി ക്ഷേത്രത്തിലെ ഭക്തരുടെ നിലപാട് . ഓപ്പറേഷൻ സിന്ദൂർ എന്നെഴുതിയ നാട്ടിലെ ചെറുപ്പക്കാരുടെയടക്കം പേരാണ് പൊലീസിന് ക്ഷേത്രഭാരവാഹികൾ എഴുതി നൽകിയതെന്നും നാട്ടുകാർ പറയുന്നു. എതിർത്താൽ പ്രദേശവാസികൾ അടക്കം എല്ലാവരും അത്തപ്പൂക്കളം ഇടുമെന്നും , ഓപ്പറേഷൻ സിന്ദൂർ എന്ന് എഴുതുമെന്നും നാട്ടുകാർ പറയുന്നു.
ഇത് പാകിസ്ഥാനല്ലെന്നും , ആനപ്പുറത്ത് ഹമാസ്, ഹിസ്ബുള്ള തീവ്രവാദികളുടെ ബാനറുകളുമായി തൃത്താലയിൽ ഉറൂസ് അരങ്ങേറിയപ്പോൾ പൊലീസുകാർക്ക് ഒന്നും തോന്നിയില്ലെങ്കിൽ ഇതിനും തോന്നേണ്ട കാര്യമില്ലെന്നാണ് ജനങ്ങളുടെ നിലപാട് .
