തിരുവനന്തപുരം : ആഗോള അയ്യപ്പ സംഗമത്തില് പങ്കെടുക്കണമോ എന്നത് സംബന്ധിച്ച് യുഡിഎഫ് തീരുമാനം ബുധനാഴ്ച പ്രഖ്യാപിക്കും.പ്രതിപക്ഷ നേതാവ് വി ഡി സതീശന് വാര്ത്താസമ്മേളനം നടത്തി നിലപാട് അറിയിക്കും. സര്ക്കാര് നീക്കത്തിന് പിന്നില് രാഷ്ട്രീയ അജണ്ട ഉണ്ടെന്ന് തുറന്ന് കാട്ടണമെന്ന് യു.ഡി.എഫ് യോഗത്തില് അഭിപ്രായം ഉയര്ന്നു.
ആഗോള അയ്യപ്പ സംഗമത്തില് പങ്കെടുക്കാന് ക്ഷണക്കത്തുമായി പ്രതിപക്ഷ നേതാവിന്റെ ഔദ്യോഗിക വസതിയിലെത്തിയ തിരുവിതാംകൂര് ദേവസ്വം ബോര്ഡ് പ്രസിഡണ്ട് പി എസ് പ്രശാന്തിനെ കാണാന് വി ഡി സതീശന് തയാറായില്ല. പ്രതിപക്ഷ നേതാവ് കൂടിക്കാഴ്ചയ്ക്ക് തയാറാവാത്തതിനെ തുടര്ന്ന് ദേവസ്വം ബോര്ഡ് പ്രസിഡന്റ് അടക്കമുള്ളവര് കത്ത് അദ്ദേഹത്തിന്റെ ഓഫീസില് ഏല്പ്പിച്ച ശേഷം മടങ്ങി.
നേരത്തെ സംഘാടക സമിതിയുടെ ഉപരക്ഷാധികാരിയായി വി ഡി സതീശനെ നിശ്ചയിച്ചിരുന്നു. ഇത് പ്രതിപക്ഷ നേതാവുമായി കൂടിയാലോചിക്കാതെയാണ് സര്ക്കാര് ചെയ്തത്. ഇതിലും പ്രതിപക്ഷ നേതാവിന് അതൃപ്തിയുണ്ട്.
