ബെയ്ജിംഗ് : മോദി-പുടിന് ഉഭയകക്ഷിചര്ച്ചയ്ക്ക് പോകുന്ന കാര് യാത്ര പങ്കുവെച്ച് മോദി, പുടിനോടുള്ള സംഭാഷണം ഉള്ക്കാഴ്ച പകരുന്ന യാത്രയെന്ന് മോദി
ബെയ് ജിംഗ്:എസ് സിഒ ഉച്ചകോടിക്ക് ശേഷം റഷ്യന് പ്രസിഡന്റ് വ്ളാഡിമിര് പുടിനുമായി ഉഭയകക്ഷിചര്ച്ച നടത്തുന്ന സ്ഥലത്തേക്ക് കാറില് പോകുന്ന ചിത്രം പങ്കുവെച്ച് മോദി. പുടിനൊപ്പമുള്ള യാത്രയും സംഭാഷണങ്ങലും അര്ത്ഥവത്തും ഉള്ക്ാഴ്ചകള് പകരുന്നതുമാണെന്നും മോദി എക്സില് പങ്കുവെച്ച കുറിപ്പില് പറഞ്ഞു.
വലിയൊരു തീരുമാനമാണ് മോദി എടുത്തത്. ട്രംപിന്റെ 50 ശതമാനം താരിഫ് ഏറ്റുവാങ്ങിയിട്ടും റഷ്യയില് നിന്നുള്ള എണ്ണ വാങ്ങുമെന്നതില് വിട്ടുവീഴ്ചയില്ലാത്ത നിലപാടെടുത്ത മോദി ഇന്ന് ലോകമാകെ അറിയപ്പെടുന്ന നേതാവാണ്. അമേരിക്കയുടെ പിഴച്ചുങ്കത്തിന് അല്പം പോലും പ്രാധാന്യം നല്കാതെ തള്ളിക്കളഞ്ഞ് ചൈന സന്ദര്ശിക്കുകയും ഷീ ജിന്പിങ്ങിനോടും വ്ളാഡിമിര് പുടിനോടും ഒപ്പം ചര്ച്ച നടത്തിയ മോദി.
ചൈനയില് നടന്ന എസ് സിഒ ഉച്ചകോടിയില് മോദിയും പുടിനും തമ്മിലുള്ള സൗഹൃദത്തിന്റെയും ഊഷ്മളബന്ധത്തിന്റെയും ഒട്ടേറെ ദൃശ്യങ്ങള് മാധ്യമങ്ങള് പകര്ത്തിയിരുന്നു. തോളില് കയ്യിട്ടും കൈകോര്ക്കും നീങ്ങുന്ന മോദിയും പുടിനും. തമാശപറഞ്ഞ് ഉറക്കെ പൊട്ടിച്ചിരിക്കുന്ന മോദിയും പുടിനും….ഇവിടെ, ഉച്ചകോടിയുടെ പല സന്ദര്ഭത്തിലും പാകിസ്ഥാന് പ്രധാനമന്ത്രി ഷെഹ്ബാസ് ഷെരീഫെല്ലാം വെറും നോക്കുകുത്തിയാവുകയായിരുന്നു. മാത്രമല്ല, പഹല്ഗാം ഭീകരാക്രമണത്തെ അപലപിക്കുന്ന പ്രമേയം എസ് സിഒ ഉച്ചകോടിയില് പാസാക്കിയെടുക്കാന് മോദിക്ക് സാധിച്ചു എന്നത് ചില്ലറ നേട്ടമല്ല. പാകിസ്ഥാന് പ്രധാനമന്ത്രികൂടി പങ്കെടുത്ത വേദിയിലാണ് അതിര്ത്തിക്ക് അപ്പുറത്തുനിന്നുള്ള ഭീകരവാദത്തെയും പഹല് ഗാം ഭീകരാക്രമണത്തെയും യോഗം അപലപിച്ചത്. ഇതിന് മോദിക്ക് സഹായകരമായത് പുടിനുമായുള്ള സൗഹൃതം തന്നെയാണ്.
മോദി ഈ ഉച്ചകോടിക്ക് പുറപ്പെടുംമുന്പ് പുടിനുമായി കൂടിക്കാഴ്ച നടത്തുമ്പോള് സമാധാനചര്ച്ച നടത്തണമെന്ന് മോദിയോട് ആവശ്യപ്പെട്ടത് മറ്റാരുമല്ല, സാക്ഷാന് ഉക്രൈന് പ്രസിഡന്റ് സെലന്സ്കിയാണ്. എന്തായാലും മോദിയുടെയും പുടിന്റെയും ചര്ച്ചയുടെ ഫലം കാത്തിരിക്കുകയാണ് ലോകം. ട്രംപ് കൊണ്ടുവരുന്ന സമാധാനം നോബല് സമ്മാനം നേടാനുള്ള കണ്കെട്ട് വിദ്യയാണ്. പക്ഷെ മോദിയിലൂടെ , യഥാര്ത്ഥ ലോകസമാധാനം കൈവരുമോ എന്നതാണ് ലോകം ഉറ്റുനോക്കുന്നത്.
