ഒരുവെടിക്ക് രണ്ട് പക്ഷികള് എന്ന പ്രയോഗത്തിന് സമാനമായി മോദിയുടെ ഏഴ് വര്ഷത്തിന് ശേഷമുള്ള ചൈനാ സന്ദര്ശനം. ചൈനയുമായി അതിര്ത്തിപ്രശ്നം തീര്ക്കുക, ട്രംപിന്റെ 50 ശതമാനം താരിഫ് ഏര്പ്പെടുത്തിക്കൊണ്ടുള്ള യുദ്ധത്തിനെതിരെ റഷ്യാ-ചൈന-ഇന്ത്യ അച്ചുതണ്ട് ഉയര്ത്തുക, പാകിസ്ഥാനില് നിന്നുള്ള തീവ്രവാദം നിര്ത്താന് ചൈനയുടെ സഹായം തേടുക, ഇന്ത്യയുടെ ഇലക്ട്രിക് വാഹനനിര്മ്മാണവ്യവസായത്തെ മുന്നോട്ട് കൊണ്ടുപോകാന് അത്യാവശ്യമായ റെയര് എര്ത്ത് മൂലകങ്ങള് ചൈനയില് നിന്നും നേടിയെടുക്കുക- അങ്ങിനെ തികച്ചും ഇന്ത്യയുടെ താല്പര്യങ്ങള് സംരക്ഷിക്കാവുന്ന സഹായങ്ങള് ചൈനയില് നിന്നും വാങ്ങിയെടുക്കുക എന്നതാണ് മോദിയുടെ ലക്ഷ്യം.
അതേ സമയം ഇന്ത്യയുടെ താല്പര്യങ്ങള് ബലി കഴിച്ചുകൊണ്ട് അമേരിക്കയുമായി ഒരു വ്യാപാരക്കരാറില് ഏര്പ്പെടാന് മോദിയ്ക്ക് താല്പര്യമില്ല. കര്ഷകരുടെ താല്പര്യങ്ങള് ബലികഴിച്ചുകൊണ്ടുള്ള ഒരു വ്യാപാരക്കരാര് തീര്ച്ചയായും ഭാവിയില് വലിയ കര്ഷകസമരത്തിലേക്ക് നയിച്ചേക്കും എന്ന ചിന്ത മോദിയ്ക്കുണ്ട്. ഇന്ത്യയുടെ കാര്ഷിക വിപണി അമേരിക്കയുടെ ഉല്പന്നങ്ങള്ക്ക് തുറന്നുകൊടുക്കാന് മോദി സര്ക്കാര് വിസമ്മതിച്ചത് അതുകൊണ്ടാണ്. ഇതിന്റെ പേരില് ഇന്ത്യയിലെ കര്ഷകസംഘടനകള് മോദിക്ക് കയ്യടിക്കുകയാണ്.
ഇന്ത്യയില് ചൈനയുടെ ചാരന്മാരായി അറിയപ്പെടുന്ന കോണ്ഗ്രസിന്റെയും ഇടത്പക്ഷത്തിന്റെയും നിരവധി നേതാക്കളുണ്ട്. ഇവര്ക്കെല്ലാം ഉറക്കമില്ലാ രാത്രികള് സമ്മാനിച്ചിരിക്കുകയാണ് മോദി. ഷീ ജിന്പിങ്ങുമായി അടുക്കുന്ന മോദി അവര്ക്ക് ഭീഷണിയാണ്. ഇന്ത്യയെ പല കഷണങ്ങളാക്കി മുറിക്കാനും ഇന്ത്യയില് ആഭ്യന്തരക്കുഴപ്പങ്ങള് ഉണ്ടാക്കാനും ചൈനയുടെ പണം ഈ നേതാക്കള് വാങ്ങുന്നതായി പല റിപ്പോര്ട്ടുകളും പുറത്തുവന്നിട്ടുണ്ട്. മോദിയുടെ നീക്കത്തിന് ശേഷം ഈ നേതാക്കളെല്ലാം തല്ക്കാലത്തേക്കെങ്കിലും നിശ്ശബ്ദരായിരിക്കുകയാണ്.
