കൊച്ചി: കോതമംഗലത്ത് ജനവാസ മേഖലയിലെ കിണറ്റില് വീണ കാട്ടാനയെ മണിക്കൂറുകള്ക്ക് ശേഷം കരയ്ക്ക് കയറ്റി. ജെസിബി ഉപയോഗിച്ച് കിണറിന്റെ ഒരു ഭാഗം ഇടിച്ചാണ് കാട്ടാനയെ പുറത്തെത്തിച്ചത്. നേരത്തെ കാട്ടാന ശല്യം തുടരുന്നതിനെതിരെ നാട്ടുകാര് പ്രതിഷേധിച്ചു. ജില്ലാ കളക്ടര് എത്തി കാട്ടാന ശല്യം ഒഴിവാക്കാന് വേണ്ട നടപടികള് സ്വീകരിക്കാമെന്ന ഉറപ്പിലാണ് നാട്ടുകാര് പ്രതിഷേധം അവസാനിപ്പിച്ചത്.
പിന്നാലെയാണ് ആനയെ കരയ്ക്ക് കയറ്റാന് രക്ഷാദൗത്യം ആരംഭിച്ചത്.ശനിയാഴ്ച കോട്ടപ്പടി വടക്കുംഭാഗം വിച്ചാട്ട് വര്ഗീസിന്റെ വീട്ടിലെ കിണറ്റിലാണ് ആന വീണത്.
10 വയസോളം പ്രായമുളള കൊമ്പന് പുലര്ച്ചെയാണ് കിണറ്റില് വീണത്. കുടിവെള്ളത്തിനായി ഉപയോഗിക്കുന്ന കിണറ്റിലാണ് ആന വീണത്.
കിണറിന്റെ ഉടമയ്ക്ക് ഒരു ലക്ഷം നഷ്ടപരിഹാരം നല്കാമെന്നാണ് വനം വകുപ്പ് അറിയിച്ചത്.
