അഹമ്മദാബാദ്: പശുവിനെയും ചാണകത്തെയും പരിഹസിക്കുന്ന കോണ്ഗ്രസുകാര്ക്ക് മറുപടിയായി ഗുജറാത്തിലെ കോണ്ഗ്രസിന്റെ വനിതാ നേതാവ്. ജെനിബെന് താക്കൂര്. ഗുജറാത്തില് നിന്നും കോണ്ഗ്രസിനുള്ള ഏക വനിതാ എംപി കൂടിയാണ് ജെനിബെന് താക്കൂര്.
പശുവിനെ രാജ്യമാതാവായി പ്രഖ്യാപിക്കണമെന്നാണ് ജെനിബെന് താക്കൂര് ആവശ്യപ്പെട്ടിരിക്കുന്നത്. ഇതിന്റെ പേരില് ജെനിബെന് താക്കൂറിനെ കോണ്ഗ്രസില് നിന്നും രാഹുല് ഗാന്ധിയും സോണിയാഗാന്ധിയും പുറത്താക്കുമോ എന്ന് പരിഹസിക്കുകയാണ് സമൂഹമാധ്യമങ്ങള്.
കഴിഞ്ഞ വര്ഷം മഹാരാഷ്ട്രയില് ബിജെപി നേതൃത്വത്തിലുള്ള സര്ക്കാര് മഹാരാഷ്ട്രയുടെ രാജ്യമാതാവായി പശുവിനെ പ്രഖ്യാപിച്ചിരുന്നു. അതേ മാതൃകയില് ഗുജറാത്തിലും ഗോമാതാവിനെ സംസ്ഥാനത്തിന്റെ മാതാവായി പ്രഖ്യാപിക്കണമെന്നാണ് ജെനിബെന് താക്കൂര് ആവശ്യപ്പെടുന്നത്.
