ന്യൂദൽഹി: സ്റ്റാര്ട്ടപ്പുകളുടെ സേവനം ഉദ്ദേശിച്ച് പഞ്ചാബ് നാഷണൽ ബാങ്ക് (പിഎൻബി) ഒരു ശാഖ തുറന്നു. ഭിക്കാജി കാമ പ്ലേസിൽ ആണ് ഈ ശാഖ തുറന്നിരിക്കുന്നത്.
‘സ്റ്റാർട്ടപ്പ് ഇന്ത്യ’ സംരംഭത്തിന് അനുസൃതമായി, ഈ ശാഖ എല്ലാ ബാങ്കിംഗ് സേവനങ്ങളും നല്കും. സംരംഭകത്വം പ്രോത്സാഹിപ്പിക്കാനും നൂതനാശയങ്ങളെ സാമ്പത്തികമായി പിന്തുണ നല്കാനും ശ്രമിയ്ക്കും.
സോഫ്റ്റ്വെയർ ടെക്നോളജി പാർക്സ് ഓഫ് ഇന്ത്യയുടെ (എസ്ടിപിഐ) ഡയറക്ടർ ജനറൽ അർവിന്ദ് കുമാർ, പിഎൻബിയുടെ എംഡിയും സിഇഒയുമായ അശോക് ചന്ദ്ര എന്നിവരുടെ സാന്നിധ്യത്തില് നടന്ന ചടങ്ങിലാണ് ഈ ശാഖ തുറന്നത്. എസ്ടിപിഐ ഡയറക്ടർ സുബോധ് സച്ചാൻ, എസ്ടിപിഐ അഡീഷണൽ ഡയറക്ടർ അങ്കേഷ് കുമാർ എന്നിവരുൾപ്പെടെ പിഎൻബിയുടെയും എസ്ടിപിഐയുടെയും മുതിർന്ന മറ്റ് ഉദ്യോഗസ്ഥരും ചടങ്ങിൽ പങ്കെടുത്തു.
യോഗ്യരായ സ്റ്റാർട്ടപ്പുകൾക്ക് സാമ്പത്തിക സഹായം നൽകുന്നതിനായി പിഎൻബിയും എസ്ടിപിഐയും തമ്മിൽ ഒരു ധാരണാപത്രവും ഒപ്പുവച്ചു. ഈ സഹകരണത്തിലൂടെ, സ്റ്റാർട്ടപ്പുകൾക്കും ധനകാര്യ സ്ഥാപനങ്ങൾക്കും ഇടയിൽ ഒരു പാലമായി പ്രവർത്തിച്ചുകൊണ്ട് എസ്ടിപിഐ, ഇൻകുബേറ്റ് ചെയ്തതോ, ഓൺബോർഡ് ചെയ്തതോ, അല്ലെങ്കിൽ വിജയിച്ചതോ ആയ സ്റ്റാർട്ടപ്പുകളുടെ ഒരു ക്യൂറേറ്റ് ചെയ്ത ലിസ്റ്റ് ബാങ്കുമായി പങ്കുവയ്ക്കും,
