തൃശൂര്: കാഞ്ചനയ്ക്ക് മൊയ്തീനോട് ഉണ്ടായിരുന്നതിനേക്കാള് വലിയ ആത്മബന്ധമാണ് ഷാഫിയും രാഹുലും തമ്മിലുളളതെന്ന് ബിജെപി നേതാവ് പത്മജ വേണുഗോപാല്. രാഹുല് മാങ്കൂട്ടത്തിലിനെ പാലക്കാട് എത്തിക്കാന് ഷാഫി പറമ്പിലിന്റെ നേതൃത്വത്തില് എഗ്രൂപ്പ് നേതൃയോഗം ചേര്ന്നെന്ന വാര്ത്തകളോട് പ്രതികരിക്കുകയായിരുന്നു പത്മജ.
നമുക്കുമുണ്ട് സുഹൃത്തുക്കള്. പക്ഷെ ഷാഫി- രാഹുല് സൗഹൃദമാണ് സൗഹൃദം. കാഞ്ചനയ്ക്ക് മൊയ്തീനോട് ഉണ്ടായിരുന്നതിനേക്കാള് വലിയ ആത്മബന്ധം ആണല്ലോ അവര് തമ്മിലുളളത്. പത്മജ പറഞ്ഞു.
തുടക്കത്തില് ക്ലബ്ബുകളുടെയും മറ്റും പരിപാടികളില് രാഹുലിനെ പങ്കെടുപ്പിക്കാനാണ് എ ഗ്രൂപ്പ് ആലോചിക്കുന്നതെന്ന വിവരം പുറത്തുവന്നിരുന്നു. മണ്ഡലത്തില് നിന്ന് രാഹുല് ഏറെ നാള് വിട്ടുനിന്നാല് അത് പാര്ട്ടിക്ക് ദോഷം ചെയ്യുമെന്ന് യോഗം വിലയിരുത്തിയതായും റിപ്പോര്ട്ടുണ്ടായിരുന്നു.അതേസമയം ഇത്തരമൊരു യോഗത്തെക്കുറിച്ച് അറിഞ്ഞില്ലെന്ന് കെപിസിസി പ്രസിഡന്റ് സണ്ണി ജോസഫ് പ്രതികരിച്ചു.
