തിരുവനന്തപുരം: തമിഴ്നാട് സ്വദേശികളെ തട്ടിക്കൊണ്ടുവന്ന് പണം കവര്ച്ച ചെയ്ത സംഭവത്തില് നാല് പേര് അറസ്റ്റില്. നെയ്യാറ്റിന്കരയില് ആണ് സംഭവം.
നെയ്യാറ്റിന്കര സ്വദേശികളായ അഭിരാം, വിഷ്ണു കുന്നത്തുകാല് സ്വദേശി ബിനോയ്, ഉദയംകുളങ്ങര സ്വദേശി സാമുവല് തോമസ് എന്നിവരെയാണ് പൊലീസ് അറസ്റ്റ് ചെയ്തത്. തമിഴ്നാട് കൃഷ്ണഗിരി സ്വദേശികളായ യൂസഫ് (60) ജഫീര് അഹമ്മദ്(57) എന്നിവരെയാണ് പ്രതികള് തട്ടിക്കൊണ്ടുവന്നത്.
ഉദിയന്കുളങ്ങരക്ക് സമീപം ഒരു വീട്ടില് ഇരുവരെയും എത്തിച്ച ശേഷം കെട്ടിയിട്ട് പണവും വാച്ചും കവര്ന്നു. ഇരുവരെയും മോചിപ്പിക്കണമെങ്കില് 50 ലക്ഷം രൂപ നല്കണമെന്നും ബന്ധുക്കളോട് ആവശ്യപ്പെട്ടു.തുടര്ന്ന് ബന്ധുക്കള് നല്കിയ പരാതി പ്രകാരം തട്ടിക്കൊണ്ടു പോയവരെ നെയ്യാറ്റിന്കര പൊലീസ് അറസ്റ്റ് ചെയ്തു.
