ബീജിംഗ്: ആഗസ്റ്റ് 31 മുതല് സെപ്റ്റംബര് 1 വരെ ടിയാന്ജിനില് നടക്കുന്ന ഷാങ്ഹായ് സഹകരണ സംഘടന (എസ്സിഒ) ഉച്ചകോടി ഡൊണാള്ഡ് ട്രംപിന്റെ ഭീഷണികള്ക്കിടയില് ആഗോള ദക്ഷിണേഷ്യയുടെ ഐക്യദാര്ഢ്യത്തിന്റെ ശക്തമായ പ്രകടനമായി മാറും. ചൈനീസ് പ്രസിഡന്റ് ഷി ജിന്പിംഗ് പ്രധാന മന്ത്രി നരേന്ദ്രമോദി അടക്കം 20 ലധികം ലോക നേതാക്കളെ ഉച്ചകോടിയില് പങ്കെടുപ്പിക്കും. ഏഴ് വര്ഷത്തിനിപ്പുറം പ്രധാനമന്ത്രി നരേന്ദ്ര മോദിയുടെ ആദ്യ ചൈന സന്ദര്ശനമാണ് ഉച്ചകോടിയില് നടക്കുക.
റഷ്യന് പ്രസിഡന്റ് വ്ളാഡിമിര് പുടിനെ കൂടാതെ മധ്യേഷ്യ, മിഡില് ഈസ്റ്റ്, ദക്ഷിണേഷ്യ, തെക്കുകിഴക്കന് ഏഷ്യ എന്നിവിടങ്ങളില് നിന്നുള്ള നേതാക്കളെ ക്ഷണിച്ചിട്ടുണ്ട്.
കഴിഞ്ഞ വര്ഷം റഷ്യയിലെ കസാനില് നടന്ന ബ്രിക്സ് ഉച്ചകോടിയിലാണ് പ്രധാനമന്ത്രി മോദി അവസാനമായി ഷിയും പുടിനുമായി ഒരേ വേദി പങ്കിട്ടത്. ഉക്രെയ്നിലെ യുദ്ധത്തിനിടെ പാശ്ചാത്യ നേതാക്കള് റഷ്യന് നേതാവിനോട് പുറംതിരിഞ്ഞു നിന്നപ്പോഴും മോദി ഇതേ വേദി പങ്കിട്ടു.
