കോട്ടയം: പൊതുവിപണിയില് 420 യിലും താഴെ ബ്രാന്ഡഡ് വെളിച്ചെണ്ണ വാങ്ങാന് കിട്ടുമ്പോള് സപ്ലൈകോ സൂപ്പര് മാര്ക്കറ്റുകളില് ഞായറാഴ്ച കേര വെളിച്ചെണ്ണ ലിറ്ററിന് 445 രൂപയെന്ന പ്രത്യേക വിലക്കിഴിവെന്ന് പ്രചരിപ്പിച്ച് ഉപഭോക്താക്കളെ പറ്റിച്ച് സര്ക്കാര്. ഒരു ദിവസത്തേക്കുള്ള പ്രത്യേക വിലക്കുറവാണിതെന്നായിരുന്നു പ്രചാരണം. 529 രൂപ വിലയുള്ള ഒരു ലിറ്റര് കേര വെളിച്ചെണ്ണ , സപ്ലൈകോ വില്പനശാലകളിലൂടെ 457 രൂപയ്ക്കാണ് നല്കുന്നതെന്നും അതിലും12 കുറച്ചാണ് ഞായറാഴ്ച പ്രത്യേക ഓഫറില് നല്കുന്നതെന്നും സപ്ലൈകോ അവകാശപ്പെട്ടു.
