തിരുവനന്തപുരം: സംസ്ഥാനത്ത് വരും ദിവസങ്ങളില് ശക്തമായ മഴയ്ക്കും കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ബംഗാള് ഉള്ക്കടലിന്റെ വടക്കു പടിഞ്ഞാറന് ഭാഗത്ത് രൂപം കൊണ്ട ന്യൂനമര്ദത്തിന്റെ സ്വാധീനത്താല് അടുത്ത് രണ്ട് ദിവസങ്ങളില് കേരളത്തിലെ വിവിധ ജില്ലകളില് കനത്ത മഴയ്ക്ക് സാധ്യതയെന്ന് അധികൃതര് അറിയിച്ചു. ഇതിനെ തുടര്ന്ന്, വിവിധ ജില്ലകളില് യെല്ലോ അലര്ട്ടുകള് കേന്ദ്ര കാലാവസ്ഥ വകുപ്പ് പ്രഖ്യാപിച്ചു. മുന്നറിയിപ്പ് പ്രകാരം, മണിക്കൂറില് 40-60 കിലോമീറ്റര് വേഗതയില് കാറ്റ് വീശാനും സാധ്യതയുണ്ട്.
ചൊവ്വ , ബുധന് ദിവസങ്ങളില് ശക്തമായ കാറ്റും മഴയും പ്രതീക്ഷിക്കുന്നതിനാല് ജനങ്ങള് ജാഗ്രത പാലിക്കണമെന്ന് അധികൃതര് അറിയിച്ചു. ആഗസ്റ്റ് 26 മുതല് 28 വരെ സംസ്ഥാനത്ത ഒറ്റപ്പെട്ട സ്ഥലങ്ങളില് 24 മണിക്കൂറിനുള്ളില് 7 മില്ലമീറ്റര് മുതല് 11 മില്ലിമീറ്റര്വരെ കനത്ത മഴ പെയ്യാന് സാധ്യതയുണ്ടെന്ന് ഐഎംഡി അറിയിച്ചു. വടക്കന്, മധ്യ കേരളത്തിലായിരിക്കും ഏറ്റവും കൂടുതല് മഴ ബാധിക്കുന്നത്.
ആഗസ്റ്റ് 26 ചൊവ്വാഴ്ച തൃശൂര്, കോഴിക്കോട്, മലപ്പുറം, വയനാട്, കണ്ണൂര്, കാസര്കോട് ജില്ലകളില് യെല്ലോ അലര്ട്ട് പ്രഖ്യാപിച്ചു. ആഗസ്റ്റ് 27 ബുധനാഴ്ച എറണാകുളം, തൃശൂര്, മലപ്പുറം, കോഴിക്കോട്, വയനാട്, കണ്ണൂർ, കാസര്കോട് എന്നീ ജില്ലകളില് യെല്ലോ അലര്ട്ട് പ്രഖ്യാപിച്ചു.
