തിരുവനന്തപുരം: എ ടി എം കൗണ്ടറില് 16 കാരിയെ ലൈംഗികമായി ആക്രമിച്ച 45 കാരന് പിടിയില്. കൊല്ലം മയ്യനാട് സ്വദേശി അനിരുദ്ധനെയാണ് പള്ളിക്കല് പൊലീസ് അറസ്റ്റ് ചെയ്തത്.
കഴിഞ്ഞ ദിവസം രാവിലെ എട്ടുമണിയോടെയാണ് സംഭവം.മടവൂര് ജംഗ്ഷനിലെ എടിഎമ്മില് പണം എടുക്കാന് എത്തിയതായിരുന്നു പെണ്കുട്ടി. ആദ്യം കയറിയ എടിഎമ്മില് പണമില്ലാത്തതിനാല് പ്രതി അനിരുദ്ധന് പെണ്കുട്ടിയെ സമീപിച്ച് അടുത്ത എടിഎമ്മിലേക്ക് കൊണ്ടുപോയി. അവിടെ പണം എടുക്കാന് ശ്രമിക്കുന്നതിനിടെയായിരുന്നു അതിക്രമം.
ഓടി രക്ഷപ്പെട്ട പെണ്കുട്ടി അമ്മയോട് സംഭവം വിവരം പറയുകയും തുടര്ന്ന് പള്ളിക്കല് പൊലീസില് പരാതിയും നല്കി. പൊലീസ് നടത്തിയ സി സി ടി വിപരിശോധനയിലാണ് പ്രതിയെ തിരിച്ചറിഞ്ഞത്. അതിക്രമത്തിനുശേഷം ഒളിവില് പോയ പ്രതിയെ കഴിഞ്ഞ രാത്രിയോടെ പിടികൂടി.
പോക്സോ വകുപ്പ് ഉള്പ്പടെ ചേര്ത്ത് അറസ്റ്റ് ചെയ്ത് അനുരുദ്ധനെ 14 ദിവസത്തേക്ക് കോടതി റിമാന്ഡ് ചെയ്തു.
