കൊച്ചി : രാഹുല് മാങ്കൂട്ടത്തിൽ എം എൽ എ സ്ഥാനം കൂടി രാജിവയ്ക്കണമെന്ന് സംവിധായിക ഐഷ സുൽത്താന . നേരത്തെ രാഹുല് മാങ്കൂട്ടത്തിലിനെതിരെ പേര് പറയാതെ ആരോപണം ഉന്നയിച്ച നടി റിനി ആൻ ജോർജിനെ പരിഹസിച്ച് ഫെയ്സ്ബുക്ക് പോസ്റ്റിട്ട ഇപ്പോൾ സ്വന്തം നിലപാടിൽ നിന്ന് മലക്കം മറിഞ്ഞിരിക്കുകയാണ് . ഇത്രയും സന്തോഷത്തോടെ ഒരാളെപ്പറ്റി പരാതി പറയുന്ന യുവനടിയെ കാണുന്നത് ആദ്യമാണെന്നായിരുന്നു ഐഷയുടെ പരിഹാസം. റിൻ ആൻ മാധ്യമ ചർച്ചയിൽ ഇരിക്കുന്ന സ്ക്രീൻഷോട്ട് പങ്കുവച്ചുകൊണ്ടായിരുന്നു ഐഷയുടെ ഇന്നലത്തെ പോസ്റ്റ്.
ഇത്രയുമൊക്കെ ആയ സ്ഥിതിക്ക് ഇനി രാഹുൽ മാങ്കൂട്ടത്തില് ആ എംഎല്എ സ്ഥാനം കൂടി രാജി വെക്കണമെന്നാണ് ഇന്ന് ഐഷ സുൽത്താന ഫെയ്സ്ബുക്കില് കുറിച്ചത്. മാങ്കൂട്ടത്തില് എംഎല്എ സ്ഥാനം രാജിവെച്ച് വീട്ടിൽ ഇരിക്കണം. കാരണം കേരളം ഇന്ന് ചർച്ച ചെയ്യുന്നത് നിങ്ങളുടെ പ്രശ്നങ്ങൾ മാത്രമാണ്. അത് കാരണം ഈ രാജ്യത്തെ ബാധിക്കുന്ന വലിയ വലിയ പ്രശ്നങ്ങൾ മുങ്ങി പോയികൊണ്ടിരിക്കുന്നു..
നിങ്ങളുടെ പേര് എടുത്തു പറഞ്ഞു, നിങ്ങൾ അവരോട് ആവശ്യപ്പെട്ട കാര്യങ്ങളൊക്കെ എണ്ണി എണ്ണി പറയുന്ന അവന്തികയുടെ വിഡിയോ ഞാൻ ഇതിന്റെ ഒപ്പം ഷെയർ ചെയ്യുന്നു. ഈ വീഡിയോയിൽ അവന്തിക ക്രിസ്റ്റൽ ക്ലിയർ ക്ലാരിറ്റിയോടെയാണ് കാര്യങ്ങൾ പറയുന്നത്. ഇത് കേട്ടിട്ടെങ്കിലും താങ്കൾ എംഎല്എ സ്ഥാനം രാജി വെക്കണം– ഐഷ സുൽത്താന ഫേസ്ബുക്ക് പോസ്റ്റിൽ കുറിച്ചു.
