തിരുവനന്തപുരം: റഷ്യന് ജിയോഗ്രാഫിക്കല് സൊസൈറ്റി, തിരുവനന്തപുരത്തെ റഷ്യയുടെ ഓണററി കോണ്സുലേറ്റുമായി സഹകരിച്ച്, പരിസ്ഥിതി സംരക്ഷണത്തെക്കുറിച്ചും റഷ്യയുടെ പ്രകൃതി മഹത്വത്തെക്കുറിച്ചും അവബോധം വളര്ത്തുന്നതിനായി സംഘടിപ്പിക്കുന്ന ടൂറിംഗ് വെര്ച്വല് റിയാലിറ്റി ഷോ സംവിധായകന് അടൂര് ഗോപാലകൃഷ്ണന് ഉദ്ഘാടനം ചെയ്തു.
പരിസ്ഥിതി സംരക്ഷണം ഏറ്റവും ആവശ്യം പുതിയ തലമുറക്കായതിനാല് പ്രകൃതിയെ സംരക്ഷിക്കേണ്ടതിന്റെ പ്രാധാന്യത്തെക്കുറിച്ചുള്ള അവബോധം വളര്ത്തിയെടുക്കേണ്ടത് യുവതലമുറയുടെ ആവശ്യമാണെന്ന് അടൂര് പറഞ്ഞു. എഴുത്തുകാരന് പോള് സക്കറിയക്കൊപ്പം അദ്ദേഹം ടൂറിംഗ് ഷോയും ഫ്ളാഗ് ഓഫ് ചെയ്തു.
റഷ്യന് ജിയോഗ്രഫിക്കല് സൊസൈറ്റിയുടെ 180-ാം വാര്ഷികാഘോഷങ്ങളുടെ ഭാഗമായാണ് ഷോ. പ്രാരംഭഘട്ടത്തില്, തിരുവനന്തപുരം, കൊല്ലം, പത്തനംതിട്ട, എറണാകുളം എന്നിവിടങ്ങളിലെ തിരഞ്ഞെടുത്ത സ്കൂളുകളില് വിആര് പ്രദര്ശനം അവതരിപ്പിക്കും. മാലിദ്വീപിലെ കോണ്സല് ജനറല്, ആമിനാത്ത് ഷിഫാന, യുഎഇ കോണ്സുലേറ്റ് ജനറലിന്റെ പ്രതിനിധി മുഹമ്മദ് അല്ഷാംസി, റഷ്യയുടെ ഓണററി കോണ്സല് രതീഷ് സി. നായര് എന്നിവര് പങ്കെടുത്തു.
