തിരുവനന്തപുരം: 2035 ആകുമ്പോഴേക്കും കേരളത്തിലെ 95 ശതമാനം ആളുകളും നഗരവാസികളാകുമെന്നും ലോകത്തിലെ ഏറ്റവും വലിയ നഗരം കേരളമാണെന്ന് പറയുന്ന കാലം വിദൂരമല്ലെന്നും തദ്ദേശ സ്വയംഭരണ വകുപ്പ് മന്ത്രി എം.ബി രാജേഷ്. കേരള അര്ബന് കോണ്ക്ലേവ് 2025-ന്റെ സംഘാടക സമിതി രൂപീകരണ യോഗം ഉദ്ഘാടനം ചെയ്യുകയായിരുന്നു അദ്ദേഹം.
കേരളമാകെ നഗരമായിക്കൊണ്ടിരിക്കുകയാണ്. എന്നാല് ലോകത്ത് മറ്റിടങ്ങളിലുള്ളത് പോലെയുള്ള നഗരവല്ക്കരണമല്ല കേരളത്തിലേത്.
നഗര ഗ്രാമ വ്യത്യാസം ഇല്ലാതായിക്കൊണ്ടിരിക്കുകയാണ്. എവിടെ ഗ്രാമം അവസാനിക്കുന്നു, എവിടെ നഗരം ആരംഭിക്കുന്നു എന്ന് പറയാന് കഴിയാത്ത സ്ഥിതിയാണ് കേരളത്തിലേത്. വലിയ സാധ്യതകളാണ് ഇതുവഴി തുറന്നിടുന്നത്. അതുപോലെ തന്നെ വെല്ലുവിളികളും. അതിനാല് നഗരവല്ക്കരണത്തെ വളരെ ഗൗരവമായി പഠിക്കേണ്ടതുണ്ടെന്നും മന്ത്രി പറഞ്ഞു.
