ആലപ്പുഴ : വി ഡി സവര്ക്കറെ പ്രശംസിച്ച ആലപ്പുഴ വെണ്മണി ലോക്കല് സെക്രട്ടറി ഷുഹൈബ് മുഹമ്മദിനെ സിപിഐ പ്രാഥമിക അംഗത്വത്തില് നിന്ന് സസ്പെന്റ് ചെയ്തു.കഴിഞ്ഞ ദിവസമായിരുന്നു വാട്സാപ്പ് ഗ്രൂപ്പിലൂടെ നടന്ന സംഭാഷണത്തില് ഷുഹൈബ് വി ഡി സവര്ക്കറെ പുകഴ്ത്തി ശബ്ദ സംഭാഷണം നടത്തിയത്.
സവര്ക്കര് സ്വാതന്ത്ര്യ സമര പോരാട്ടത്തില് നിര്ണായക പങ്ക് വഹിച്ചിരുന്നുവെന്ന് ഷുഹൈബ് മുഹമ്മദ് തുറന്നു പറഞ്ഞു.ആന്ഡമാനിലെ ജയിലില് കിടക്കുമ്പോള് സ്വാതന്ത്ര്യ സമര പോരാളികളെ പരുവപ്പെടുത്തിയെടുക്കുന്നതില് വി ഡി സവര്ക്കര് നിര്ണായക പങ്ക് വഹിച്ചിട്ടുണ്ടെന്ന് വെണ്മണി ലോക്കല് സെക്രട്ടറി വാട്സാപ്പ് ഗ്രൂപ്പിലൂടെ കോണ്ഗ്രസ് നേതാവിനോട് പറഞ്ഞതാണ് പുറത്തുവന്നത്.
ഇതോടെ അങ്കലാപ്പിലായ പാര്ട്ടി ഷുഹൈബ് മുഹമ്മദിനെ സിപിഐയുടെ പ്രാഥമിക അംഗത്വത്തില് നിന്നും പുറത്താക്കി. ജില്ലാ കമ്മിറ്റിയുടെ ശുപാര്ശ പ്രകാരമാണ് സംസ്ഥാന കമ്മിറ്റി തീരുമാനം എടുത്തത്.
രാഷ്ട്രീയ പ്രവര്ത്തകരും നേതാക്കളും അടക്കം 418 അംഗങ്ങളുള്ള ഗ്രൂപ്പിലാണ് സവര്ക്കറെ പുകഴ്ത്തി സിപിഐ നേതാവ് ഷുഹൈബിന്റെ ശബ്ദസന്ദേശം വന്നത്.
