ബെംഗളൂരു: ധര്മ്മസ്ഥല കേസ് കേഷ്ത്രനഗരിയെ തകര്ക്കാനുള്ള വമ്പന് ഗൂഢാലോചനയാണെന്ന് കര്ണ്ണാടക ഉപമുഖ്യമന്ത്രി ഡി.കെ. ശിവകുമാര്. ഇതോടെ ചില മുസ്ലിം യുട്യൂബര്മാര് തുടങ്ങിവെച്ച കൂട്ടക്കൊലപാതകതിയറികളും ഭയപ്പെടുത്തുന്ന എഐ ഫോട്ടോകളും വീഡിയോകളും കള്ളക്കഥകളും ഒരു നിമിഷം കൊണ്ട് ആവിയായി.
നാലായിരം സ്ത്രീകള് കുഴിച്ചിടപ്പെട്ടു എന്ന് പറയുന്ന സ്ഥലത്ത് കുഴിച്ചുനോക്കിയപ്പോള് കിട്ടിയത് രണ്ട് അസ്ഥിക്കൂടവും 60 എല്ലിന്കഷണങ്ങളും മറ്റുമാണ്. യൂട്യൂബര്മാര് എല്ലാ ദിവസവും സാക്ഷി ഇതുവരെ അടയാളപ്പെടുത്തുന്ന മറ്റൊരു പോയിന്റിലേക്ക് പോയി എന്ന് പറയുകയല്ലാതെ അവിടെ കുഴിച്ചിട്ടൊന്നും കാര്യമായി ഒന്നും കിട്ടിയില്ല.
“ഈ കേസ് വെറും ഒഴിഞ്ഞ പെട്ടിയാണെന്നും ശിവകുമാര് പറഞ്ഞു. “ഈ കേസിന് പിന്നില് വലിയൊരു ഗൂഢാലോചന നടക്കുന്നുണ്ട്. അതിന് പിന്നില് ആരാണെന്ന് ഞാന് ഇപ്പോള് പറയില്ല. ഇതിന് പിന്നില് ആസൂത്രിതമായ ഗൂഢാലോന നടന്നിട്ടുണ്ട്. പതിനായിരക്കണക്കിന് വര്ഷങ്ങള് പഴക്കമുള്ള ധര്മ്മസ്ഥല ക്ഷേത്രത്തിന്റെ കീര്ത്തി തകര്ക്കുകയാണ് ലക്ഷ്യം”. -ശിവകുമാര് പറഞ്ഞു.
ധര്മ്മസ്ഥലക്ഷേത്രത്തെ ചുറ്റിപ്പറ്റി ക്ഷേത്രം ഭരിയ്ക്കുന്ന ജൈനകുടുംബത്തിന് ഉള്ള പതിനായിരക്കണക്കിന് ഏക്കര്ഭൂമിയില് കണ്ണുവെച്ചുള്ള ഒരു ഗൂഢാലോചനയാണ് ഇതിന് പിന്നിലെന്ന് സംശയിക്കപ്പെടുന്നു. യൂട്യൂബര്മാരുടെ നീക്കം ആസൂത്രിതമായിരുന്നു. ഘട്ടംഘട്ടമായാണ് അവര് അജണ്ടയിലേക്ക് നീങ്ങിയത്. ആദ്യം സ്ത്രീകളുടെ കൂട്ടമരണവും ബലാത്സംഗവും ഉയര്ത്തിപ്പിടിച്ച് എഐ വീഡിയോ ഉപയോഗിച്ച് ഭീതി സൃഷ്ടിച്ചു. പിന്നീട് ചില ഭൂമിയില് നിന്നും ആട്ടിയിറക്കപ്പെട്ടവരുടെ കഥകള് കൊണ്ടുവന്നു. ഒടുവില് ക്ഷേത്രത്തിന്റെ ഇപ്പോഴത്തെ ഭരണാധികാരി വീരേന്ദ്ര ഹെഗ്ഗഡെയെ വളഞ്ഞിട്ട് ആക്രമണമായി. ഏറ്റവും തമാശ വിക്കി പീഡിയയില് പോലും വീരേന്ദ്ര ഹെഗ്ഗഡ്ഡെയെക്കുറിച്ചുള്ള പുതിയ വിവാദ പരാമര്ശങ്ങള് എഡിറ്റ് ചെയ്ത് ചേര്ത്തുവെന്നതിനര്ത്ഥം ആസൂത്രകരില് എന്ജിഒ സംഘങ്ങളും ഉണ്ടെന്നാണ്. മതം മാറ്റസംഘങ്ങള്ക്കും ഇതില് പങ്കുണ്ടോ എന്ന് സംശയിക്കപ്പെടുന്നു. ധര്മ്മസ്ഥലയെ ചുറ്റിയുള്ള ബെല്ത്തങ്ങിടി എന്ന സ്ഥലം മുസ്ലീം ഭൂരിപക്ഷപ്രദേശമാണ്. കേസിന് പിന്നില് മറ്റ് ചില ഗൂഢാലോചനകളും സംശയിക്കുന്നു.
