വാഷിംഗ്ടൺ : പാകിസ്ഥാൻ സൈനിക മേധാവി അസിം മുനീറിനെ ഒസാമ ബിൻ ലാദനോട് താരതമ്യപ്പെടുത്തി മുൻ പെന്റഗൺ ഉദ്യോഗസ്ഥൻ മൈക്കൽ റൂബിൻ. അസിം മുനീർ ഒരു സ്യൂട്ട് ധരിച്ച ഒസാമ ബിൻ ലാദനാണെന്നാണ് അദ്ദേഹം പറഞ്ഞത്.
അമേരിക്കക്കാർ തീവ്രവാദത്തെ ഒരു പരാതിയായി കാണുന്നു, അവരുടെ കണ്ണിൽ, പാകിസ്ഥാൻ സൈനിക മേധാവി അസിം മുനീർ ഒരു സ്യൂട്ട് ധരിച്ച ഒസാമ ബിൻ ലാദനാണ്, പാകിസ്ഥാന് നൽകുന്ന ഒരു ഇളവും അവരുടെ പ്രത്യയശാസ്ത്രത്തെയോ അവർ പ്രതിനിധീകരിക്കുന്ന പാകിസ്ഥാൻ വരേണ്യവർഗത്തെയോ മാറ്റില്ല ” – റൂബിൻ പറഞ്ഞു.
കൂടാതെ പാകിസ്ഥാൻ ലോകത്തിലെ പകുതിയോളം ജനങ്ങളെയും ആണവായുധങ്ങൾ ഉപയോഗിച്ച് ഭീഷണിപ്പെടുത്തുന്നത് അവർക്ക് ഒരു നിയമാനുസൃത രാഷ്ട്രമായിരിക്കാനുള്ള അവകാശം നഷ്ടപ്പെട്ടു എന്നതിന്റെ വ്യക്തമായ സൂചനയാണെന്ന് അദ്ദേഹം പറഞ്ഞു.
ഇതിനു പുറമെ യുഎസ് പ്രസിഡന്റിനെക്കുറിച്ചും അദ്ദേഹം പ്രസ്താവനയിറക്കി. “ഡൊണാൾഡ് ട്രംപ് ഒരു ബിസിനസുകാരനാണ്, വാങ്ങാനും വിൽക്കാനും ശീലിച്ചിരിക്കുന്നു. ഒരു മോശം സമാധാന കരാർ യഥാർത്ഥത്തിൽ യുദ്ധത്തിലേക്ക് നയിക്കുമെന്ന് അദ്ദേഹത്തിന് മനസ്സിലാകുന്നില്ല. സമാധാനത്തിനുള്ള നോബൽ സമ്മാനം നേടുക എന്നതാണ് അദ്ദേഹത്തിന്റെ അഭിലാഷം.” – റൂബിൻ പറഞ്ഞു.
