ന്യൂദല്ഹി: തെരുവ് നായ്ക്കളെ മുഴുവന് എട്ടാഴ്ചയ്ക്കകം ദല്ഹി തെരുവുകളില് നിന്നും ഷെല്റ്ററിലേക്ക് മാറ്റണമെന്ന് വിധിച്ച സുപ്രീംകോടതിയ്ക്കെതിരെ ആഞ്ഞടിച്ച് മേനകാ ഗാന്ധി. ഈ വിധി തെരുവുനായ്ക്കള്ക്കെതിരായ രോഷത്തില് നിന്നും ഉണ്ടാതാണെന്നും അതിനാല് ഈ വിധിക്ക് യാതൊരു നിയമപ്രാബല്യവുമില്ലെന്നും മേനകാഗാന്ധി.
“യാതൊരു യുക്തിസഹമായ ചിന്താഗതിയും ഈ വിധിക്ക് പിന്നിലില്ല. കാരണം ദല്ഹിയില് മൂന്ന് ലക്ഷത്തോളം തെരുവ് നായ്ക്കളുണ്ട്. ഇവയെ മുഴുവന് ,എട്ടാഴ്ചയ്ക്കകം ഷെല്റ്ററിലാക്കുക എന്നത് സാധ്യമാണോ?”- മേനകാഗാന്ധി ചോദിച്ചു.
“മൂന്ന് ലക്ഷം തെരുവുനായ്ക്കളെ പാര്പ്പിക്കാന് 2000 ഷെല്റ്ററുകളെങ്കിലും വേണം. ഇതിന് കെയര്ടേക്കര്മാരും വാച്ച്മാന്മാരും വേണം. മാത്രമല്ല, ഇത്രയും നായ്ക്കള്ക്ക് ഭക്ഷണം നല്കാന് മാസം അഞ്ച് കോടി രൂപയെങ്കിലും വേണം”.- മേനകാഗാന്ധി പറയുന്നു.
