പത്തനംതിട്ട: റാന്നി മാര്ത്തോമാ ആശുപത്രിയിലെ ചികിത്സാ പിഴവുമൂലം ഒന്നാം ക്ലാസ് വിദ്യാര്ത്ഥി മരിച്ച സംഭവത്തില് ആശുപത്രിക്കും ഡോക്ടര്ക്കുമെതിരെ മനപ്പൂര്വമല്ലാത്ത നരഹത്യയ്ക്ക് കേസെടുക്കാന് ബാലാവകാശ കമ്മീഷന് ഉത്തരവായി. മാതാപിതാക്കള്ക്ക് പത്തുലക്ഷം രൂപ ധനസഹായവും നല്കണം. പരാതിയില് അന്വേഷണം നടത്തിയ ശേഷമാണ് കമ്മീഷന്റെ ഈ ഉത്തരവ്. 2024 ഫെബ്രുവരിയിലാണ് ഒന്നാം ക്ലാസ് വിദ്യാര്ത്ഥി ആരോണ് വി. വര്ഗീസ് ആശുപത്രി ചികിത്സക്കിടെ മരിച്ചത്. കുടുംബം നല്കിയ പരാതിയില് ആശുപത്രിയുടെ ഭാഗത്ത് ചികിത്സാപ്പിഴവ് ഉണ്ടായെന്ന് ബോധ്യപ്പെട്ടുവെന്ന് ബാലാവകാശ കമ്മീഷന് വ്യക്തമാക്കി.
