മുംബൈ: ഒരുവര്ഷത്തോളം മുറിയില് പൂട്ടിയിട്ട് പീഡിപ്പിച്ചതായി ബോളിവുഡ് താരം അമീര് ഖാനെതിരെ ആരോപണവുമായി സഹോദരനും സംവിധായകനും നടനുമായ ഫൈസല് ഖാന്. മാനസിക രോഗമാണെന്ന് പ്രചരിപ്പിച്ച് മുമ്പ് ഒരു വര്ഷത്തോളം മുറിയില് പൂട്ടിയിട്ടെന്നും നിര്ബന്ധമായി മരുന്നുകള് കഴിപ്പിച്ചെന്നുമാണ് ആരോപണം. പിങ്ക്വില്ലയ്ക്ക് നല്കിയ അഭിമുഖത്തിലാണ് ഫൈസല് ഖാന്റെ ഈ വെളിപ്പെടുത്തല്.
സ്കീസോഫ്രീനിയ േരാഗ ബാധിതനാണ് താനെന്ന് അമിര് ഖാന് പറഞ്ഞു പരത്തി. ഫോണുകള് പിടിച്ചുവെച്ച് മുറിയില് അടച്ചിട്ടു. താന് ആളുകളെ ഉപദ്രവിക്കുമെന്ന് പറഞ്ഞുപരത്തി. കുടുംബാംഗങ്ങളെയും വിശ്വസിപ്പിച്ചു. പുറംലോകവുമായി സംസാരിക്കാരിക്കാന് അമിര് ശ്രദ്ധിച്ചു. വീടിനു പുറത്ത് ബോഡിഗാര്ഡുകളെ നിര്ത്തിയതിനാല് ആരേയും ഇക്കാര്യം അറിയിക്കാന് സാധിച്ചില്ല. അമിര് പ്രതിമാസം നല്കിയിരുന്ന പണത്തിലാണ് കഴിഞ്ഞിരുന്നത്. ആ ഒരു വര്ഷം ബുദ്ധിമുട്ടേറിയ കാലഘട്ടമായിരുന്നു. അച്ഛന് വന്ന് രക്ഷപ്പെടുത്തുമെന്ന പ്രതീക്ഷയിലാണ് കഴിഞ്ഞിരുന്നത്. അച്ഛന് രണ്ടാമത് വിവാഹം കഴിച്ച സമയമായിരുന്നതിനാല് അദ്ദേഹം കുടുംബത്തില് നിന്നും അകന്നാണ് ആ സമയം കഴിഞ്ഞിരുന്നത്. തന്റെ നിര്ബന്ധത്തില് വീടുമാറാന് അമിര് സമ്മതിച്ചതോടെയാണ് ബന്ധനത്തില് നിന്ന് പുറത്തുകടക്കാനായത്.
ജെജെ ആശുപത്രിയില് മാനസിക പരിശോധനയ്ക്ക് താന് വിധേയനായിട്ടുണ്ട്, കുഴപ്പമൊന്നുമില്ലായിരുന്നു. അമിര് ഖാനുമായുള്ള പ്രശ്നങ്ങള് അറിയിക്കുന്നതിനായി ഷാരുഖ് ഖാന്, സല്മാന് ഖാന്, കരീന കപൂര്, സെയ്ഫ് അലി ഖാന്, ആദിത്യ ചോപ്ര എന്നിവരുമായി സംസാരിക്കാന് ശ്രമിച്ചെങ്കിലും സാധിച്ചില്ല. ഇന്ന് എല്ലാം മറന്നു തുടങ്ങി, സഹോദരനോട് ക്ഷമിക്കാന് താന് തയാറാണെന്നും ഫൈല് വെളിപ്പെടുത്തി.
അമീറും ഫൈസലും തമ്മില് വര്ഷങ്ങളായി അകല്ച്ചയിലായിരുന്നു. കഴിഞ്ഞ വര്ഷം ജനുവരിയില് നടന്ന അമിറിന്റെ മകള് ഇറ ഖാന്റെ വിവാഹത്തില് ഫൈസല് പങ്കെടുത്തിട്ടുണ്ട്. 2000ല് പുറത്തിറങ്ങിയ മേള എന്ന സിനിമയില് അമീറും ഫൈസും ഒരുമിച്ച് അഭിനയിച്ചിട്ടുണ്ട്.
