തിരുവനന്തപുരം: കൊല്ലം ശ്രീനാരായണഗുരു ഓപ്പണ് സര്വകലാശാലയുടെ ബിരുദങ്ങള്ക്ക് കേരള സര്വ്വകലാശാലയുടെ അംഗീകാരം. ഉന്നതപഠനത്തിനും, പിഎസ്സി, യുപിഎസ്സി പരീക്ഷകള്ക്കും ശ്രീനാരായണഗുരു ഓപ്പണ് സര്വകലാശാലയുടെ സര്ട്ടിഫിക്കറ്റുകള് കേരള വാഴ്സിറ്റിയുടെ സര്ട്ടിഫിക്കറ്റിന് തത്തുല്യം. അനുമതി ലഭിച്ചത് കേരള യൂണിവേഴ്സിറ്റി വിസി മോഹനന് കുന്നുമ്മലിന്റെ ഇടപെടലിലൂടെ.
വൈസ് ചാന്സലറുടെ പ്രത്യേക അധികാരം ഉപയോഗിച്ച് ഡീന്സ് കൗണ്സില് ചേര്ന്ന് എടുത്ത തീരുമാനം അംഗീകരിച്ചാണ് അനുമതി നല്കിയത്. രജിസ്ട്രാറുടെ ചുമതല വഹിക്കുന്ന ഡോ. മിനി കാപ്പനും വിസിയും യോഗത്തില് സംബന്ധിച്ചു. കേരള യൂണിവേഴ്സിറ്റിയുടെ അംഗീകാരം ലഭിക്കുന്നതിനായി കഴിഞ്ഞ മൂന്ന് വര്ഷമായി സര്വ്വകലാശാല അധികൃതര് ശ്രമിച്ചുകൊണ്ടിരുന്നു. എന്നാല് യൂണിവേഴ്സിറ്റിയുടെ അക്കാദമിക് കൗണ്സില് അംഗീകാരം നല്കാന് തയാറായിരുന്നില്ല. ഉന്നത വിദ്യാഭ്യാസ മന്ത്രിയെ കണ്ട് കാര്യം ബോധിപ്പിച്ചെങ്കിലും പരിഹാരം ഉണ്ടായില്ല. ഇതോടെ ശ്രീനാരായണഗുരു ഓപ്പണ് സര്വ്വകലാശാലയില് രജിസ്റ്റര് ചെയ്ത് പഠനം നടത്തുന്നതില് നിന്നും വിദ്യാര്ത്ഥികള് ക്രമേണ വിട്ടുനില്ക്കാന് തുടങ്ങി. ബിഎഡ്, എംഫില്, പിഎച്ച്ഡി കോഴ്സുകള്ക്ക് കേരളയില് പ്രവേശനം ലഭിക്കാത്ത സാഹചര്യവും ഉണ്ടായി.
ഓപ്പണ് സര്വ്വകലാശാല വിസി ഡോ. വി.പി. ജഗതിരാജും സിന്ഡിക്കേറ്റ് അംഗം ഡോ. എം. ജയപ്രകാശും കേരള വിസി ഡോ. മോഹന് കുന്നുമ്മലിനെ നേരിട്ടു കാര്യങ്ങള് ബോധിപ്പിച്ചു. ഇതോടെ അടിയന്തര തീരുമാനം കൈക്കൊള്ളാന് കേരള വിസി നീക്കം തുടങ്ങി. വിസിയുടെ പ്രത്യേക അധികാരം ഉപയോഗിച്ച് അംഗീകാരം നല്കാമെങ്കിലും ഡീന്സ് കൗണ്സില് കൂടി വിളിച്ചുചേര്ത്ത് വിഷയം അവതരിപ്പിച്ചു. കൗണ്സില് യോഗത്തില് ആദ്യം ചില അഭിപ്രായവ്യത്യാസങ്ങള് ഉയര്ന്നെങ്കിലും അംഗീകാരം നല്കാമെന്നുള്ള വിസിയുടെ തീരുമാനം അംഗീകരിക്കുകയായിരുന്നു. സര്വ്വകലാശാലയും വിദ്യാര്ത്ഥികളും നന്ദി അര്പ്പിക്കുകയാണ് ഡോ. മോഹനന് കുന്നുമ്മിലിന്.
