എറണാകുളം : ബിജെപി സംസ്ഥാന അദ്ധ്യക്ഷന് രാജീവ് ചന്ദ്രശേഖര് സീറോ-മലബാര് സഭ മേജര് ആര്ച്ച് ബിഷപ്പ് മാര് റാഫേല് തട്ടിലുമായി കൂടിക്കാഴ്ച നടത്തി. ഷോണ് ജോര്ജും അദ്ദേഹത്തോടൊപ്പം ഉണ്ടായിരുന്നു.
പ്രധാനമന്ത്രി ചില കാര്യങ്ങള് തന്നെ പറഞ്ഞ് ഏല്പ്പിച്ചത് അറിയിക്കാനാണ് എത്തിയതെന്ന് ആര്ച്ച് ബിഷപ്പിനെ സന്ദര്ശിക്കും മുമ്പ് രാജീവ് ചന്ദ്രശേഖര് മാദ്ധ്യമങ്ങളോട് പറഞ്ഞു.
ബിഷപ്പ് മാര് റാഫേല് തട്ടിലുമായി സംസാരിച്ചതായും പ്രധാനമന്ത്രിയുടെ ഉറപ്പ് അദ്ദേഹത്തെ അറിയിച്ചു എന്നും രാജീവ് ചന്ദ്രശേഖര് മാദ്ധ്യമങ്ങളോട് സന്ദര്ശനം കഴിഞ്ഞ് വെളിപ്പെടുത്തി.
പ്രധാനമന്ത്രിയും ആഭ്യന്തര മന്ത്രിയും പറഞ്ഞ കാര്യങ്ങള് ബിഷപ്പിനെ ധരിപ്പിച്ചു. ബിഷപ്പ് പറഞ്ഞ കാര്യങ്ങള് കേട്ടെന്നും ബിഷപ്പ് ആശങ്ക അറിയിച്ചെന്നും രാജീവ് ചന്ദ്രശേഖര് പറഞ്ഞു. കന്യാസ്ത്രീകളുടെ കാര്യത്തില് അവര്ക്ക് വേവലാതിയുണ്ടെന്നും എത്രയും വേഗം ജാമ്യം ലഭിക്കണമെന്നും ബിഷപ്പ് ആവശ്യപ്പെട്ടെന്ന് ബി ജെ പി സംസ്ഥാന അധ്യക്ഷന് പറഞ്ഞു.
