കോഴിക്കോട്: ബസില് യാത്ര ചെയ്ത വയോധികയുടെ മാല കവരാന് ശ്രമിച്ച തമിഴ് യുവതി പിടിയില്. മഞ്ജു എന്ന യുവതിയാണ് അറസ്റ്റിലായത്. വടകര-പേരാമ്പ്ര റൂട്ടില് സര്വീസ് നടത്തുന്ന ബസില് രാവിലെയാണ് സംഭവം.
പതിയാരക്കര സ്വദേശിനി ചാത്തോത്ത് സുജാതയുടെ മൂന്ന് പവനിലധികം വരുന്ന സ്വര്ണ മാലയാണ് യുവതി പൊട്ടിക്കാന് ശ്രമിച്ചത്.ബസില് യാത്രക്കാര് തിങ്ങി നിറഞ്ഞ സമയത്തായിരുന്നു യുവതി മോഷണത്തിന് ശ്രമിച്ചത്.
പാലയാട്ട് നടയില് നിന്നാണ് സുജാത വടകരയിലേക്ക് ബസ് കയറിയത്. ഇവര്ക്ക് പിന്നിലായാണ് മഞ്ജു നിന്നത്. മഞ്ജു മാല മോഷ്ടിക്കാന് ശ്രമിക്കുന്നത് ശ്രദ്ധയില് പെട്ട വിദ്യാര്ഥികള് ബഹളമുണ്ടാക്കിയതോടെ ഡ്രൈവര് ബസ് നിര്ത്തി പൊലീസില് വിവരമറിയിക്കുകയായിരുന്നു.പൊലീസ് മഞ്ജുവിനെകസ്റ്റഡിയിലെടുത്ത് സ്റ്റേഷനിലേയ്ക്ക് കൊണ്ടുപോയി.
