തിരുവനന്തപുരം: മഹാരാഷ്ട്രയില് പലസ്തീന് അനുകൂല പ്രകടനം നടത്താന് അനുവാദം ചോദിച്ച സിപിഎമ്മിനെ ശാസിച്ച ബോംബെ ഹൈക്കോടതിയെ ചോദ്യം ചെയ്ത് കേരളത്തിലെ ഡിവൈഎഫ് ഐ സംസ്ഥാന സെക്രട്ടേറിയറ്റ്. നിങ്ങള് സ്വന്തം നാട്ടിലെ പ്രശ്നങ്ങളിലേക്ക് ആദ്യം നോക്കൂ, പിന്നീടാകാം പലസ്തീന് പ്രശ്നം എന്ന് പറഞ്ഞ് ബോംബെ ഹൈക്കോടതിയുടെ ജഡ്ജിമാരായ രവീന്ദ്ര ഗുഗെ, ഗൗതം അംഖാദ് എന്നിവര് പ്രകടനത്തിന് അനുമതി നിഷേധിക്കുകയായിരുന്നു. നേരത്തെ മുംബൈയിലെ ആസാദ് മൈതാനത്തില് ഇസ്രയേല് വംശഹത്യയ്ക്കെതിരെയും ഗാസയ്ക്ക് വേണ്ടിയും സിപിഎമ്മും സിപിഐയും നടത്താനിരുന്ന പ്രകടനത്തിന് പൊലീസ് അനുമതി നിഷേധിച്ചതോടെയാണ് ഇടത് പാര്ട്ടികള് ബോംബെ ഹൈക്കോടതിയെ സമീപിച്ചത്.
എന്നാല് ബോംബെ ഹൈക്കോടതിയുടെ വിധി ഭരണഘടനാവിരുദ്ധവും ജനാധിപത്യ വിരുദ്ധവും ആണെന്നാണ് കേരളത്തിലെ ഡിവൈഎഫ് ഐ സംസ്ഥാനസെക്രട്ടേറിയറ്റ് പറഞ്ഞത്. രാജ്യത്തെ നിയമങ്ങള്ക്ക് അനുസരിച്ച് പ്രവര്ത്തിക്കുന്ന രാഷ്ടീയ പാര്ട്ടിയുടെ രാജ്യസ്നേഹത്തെ ചോദ്യം ചെയ്യാന് കോടതിയ്ക്ക് അധികാരമില്ലെന്നും ഡിവൈഎഫ് ഐ സംസ്ഥാനസെക്രട്ടേറിയറ്റ് അഭിപ്രായപ്പെട്ടു.
കേന്ദ്രസര്ക്കാരിന്റെ രാഷ്ടീയനിലപാടിന്റെ പക്ഷം ചേര്ന്ന് ഭരണഘടനാമൂല്യങ്ങളെ അട്ടിമറിച്ച് പരാമര്ശങ്ങള് നടത്തുന്നത് നീതിന്യായവ്യവസ്ഥയ്ക്ക് യോജിച്ചതല്ലെന്നും ഡിവൈഎഫ് ഐ സംസ്ഥാനസെക്രട്ടേറിയറ്റ് വിമര്ശിച്ചു.
