തിരുവനന്തപുരം: എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്റെ വെല്ലുവിളി ഏറ്റെടുത്ത് കോണ്ഗ്രസ് നേതാവ് വി ഡി സതീശന്. യുഡിഎഫിനെ കേരളത്തില് അധികാരത്തില് തിരിച്ചെത്തിക്കാന് ആയില്ലെങ്കില് താന് രാഷ്ട്രീയ വനവാസത്തിന് പോകുമെന്ന് പ്രതിപക്ഷനേതാവ് വ്യക്തമാക്കി.
‘ആര്ക്കുവേണ്ടിയാണ് വെള്ളാപ്പള്ളി സംസാരിക്കുന്നതെന്ന് അറിയില്ല. ഞാനദ്ദേഹത്തോട് മത്സരത്തിനോ തര്ക്കത്തിനോ പോകുന്നില്ല. 98 സീറ്റ് യുഡിഎഫിന് കിട്ടിയാല് രാജിവെക്കുമെന്നാണ് വെള്ളാപ്പള്ളി പറഞ്ഞത്. അപ്പോള് 97 വരെ യുഡിഎഫിന് ലഭിക്കുമെന്ന് അദ്ദേഹത്തിന് യാതൊരു സംശയവുമില്ല. കഠിനാധ്വാനത്തിലൂടെ 100 ലധികം സീറ്റ് നേടും. യുഡിഎഫിനെ അധികാരത്തിലേക്ക് തിരിച്ചുകൊണ്ടുവരാന് കഴിഞ്ഞില്ലെങ്കില് ഞാന് രാഷ്ട്രീയ വനവാസത്തിന് പോകും. പിന്നെ എന്നെ കാണില്ല. വെല്ലുവിളിയൊന്നുമില്ല. അത്രയേ ഇക്കാര്യത്തില് പറയാനുള്ളൂ’ സതീശന് പറഞ്ഞു.
വിദ്വേഷത്തിന്റെ കാമ്പയിന് നടത്താന് ആര് ശ്രമിച്ചാലും അതിനെ യുഡിഎഫ് നേരിടും. അത് ടീം യുഡിഎഫിന്റെ തീരുമാനമാണ്. ഈ തകര്ച്ചയില് നിന്നും കേരളത്തെ രക്ഷിക്കും. അതിന് പദ്ധതികളും പരിപാടികളും തങ്ങളുടെ പക്കലുണ്ടെന്നും സതീശന് പറഞ്ഞു.
അടുത്ത തെരഞ്ഞെടുപ്പില് യുഡിഎഫ് 100 സീറ്റ് തികച്ചാല് എസ്എന്ഡിപി യോഗവുമായി ബന്ധപ്പെട്ട എല്ലാ സ്ഥാനങ്ങളും രാജിവെക്കുമെന്നും അത്രയും സീറ്റു കിട്ടിയില്ലെങ്കില് സതീശന് രാഷ്ട്രീയ വനവാസത്തിന് പോകുമോയെന്നും വെള്ളാപ്പള്ളി നടേശന് കഴിഞ്ഞ ദിവസം വെല്ലുവിളിച്ചിരുന്നു.
വെള്ളാപ്പള്ളിയുടെ വെല്ലുവിളി ഏറ്റെടുത്ത് വി ഡി സതീശന്, യുഡിഎഫ് ജയിച്ചില്ലെങ്കില് തന്നെ പിന്നെ കാണില്ല !
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.