വീടിന്റെ വടക്കുകിഴക്കേ കോണിലും തെക്കുപടിഞ്ഞാറേ കോണിലും കിഴക്കും പടിഞ്ഞാറും ഭാഗങ്ങളുടെ മധ്യത്തിലും പൂജാമുറി നിർമ്മിക്കാം. വായുവും വെളിച്ചവും സാധ്യമെങ്കിൽ വീടിന്റെ മധ്യഭാഗത്തും പൂജാമുറിക്കു സ്ഥാനം ഉണ്ട് . നാലുകെട്ടാണെങ്കിൽ വടക്കിനിയിലോ കിഴക്കിനിയിലോ ആണ് ഉത്തമം.
വടക്കു കിഴക്കോ കിഴക്കു ഭാഗത്തോ ഉള്ള പൂജാമുറിയിൽ ഭഗവൽ ചിത്രങ്ങൾ പടിഞ്ഞാറ് ദർശനമാക്കി വയ്ക്കാം . തെക്കു പടിഞ്ഞാറും പടിഞ്ഞാറും ഉള്ള പൂജാമുറിയിൽ കിഴക്കു ദർശനമായാണ് ഭഗവൽ ചിത്രങ്ങൾ വയ്ക്കേണ്ടത് .
പൂജാമുറിയിൽ വിളക്ക് കൊളുത്തുമ്പോൾ കിഴക്കോട്ടും പടിഞ്ഞാറോട്ടും ദീപം വരുന്നതാണ് ഉത്തമം . ടോയ്ലറ്റിനടുത്ത് പൂജാമുറി ആവാമോ എന്നു ചോദിച്ചിട്ടുള്ളവർ നിരവധിയാണ്. പൂജാമുറിക്ക് ടോയ്ലെറ്റുമായിട്ട് ഇത്ര അകലം വേണമെന്നും പറയാൻ പറ്റില്ല. തൊട്ടടുത്ത് വേണ്ടെന്നു മാത്രമേ ഇതുസംബന്ധിച്ച് പറയാൻ കഴിയൂ.
നിങ്ങളുടെ പൂജാമുറിയിലെ വിഗ്രഹങ്ങൾക്ക് 9 ഇഞ്ച് ഉയരമോ 2 ഇഞ്ചിൽ താഴെയോ ഉയരം പാടില്ല. വായുവിന്റെ ശരിയായ പ്രവാഹം ഉറപ്പാക്കാൻ വിഗ്രഹങ്ങൾ പരസ്പരം അൽപം അകലെ വയ്ക്കണം.
പ്രാർത്ഥിക്കുമ്പോൾ കിഴക്കോട്ടോ വടക്കോട്ടോ അഭിമുഖമായി നിൽക്കുന്ന തരത്തിലായിരിക്കണം വിഗ്രഹങ്ങളുടെ സ്ഥാനം. വിഗ്രഹങ്ങൾ പരസ്പരം അഭിമുഖീകരിക്കാനോ പൂജാമുറിയുടെ വാതിലിനു നേരെയോ പാടില്ല. ഒന്നിലധികം വിഗ്രഹങ്ങളാണെങ്കിൽ ഒന്നിനും അടുത്തതിനുമിടയിൽ കുറച്ച് ഇടമുണ്ടെന്ന് ഉറപ്പുവരുത്തുക, ഭിത്തിയിൽ നിന്ന് ഒരു ഇഞ്ച് അകലമെങ്കിലും പാലിക്കുക.
