മുംബൈ: ഇന്ത്യ 2028ല് ലോകത്തിലെ മൂന്നാമത്തെ വലിയ സാമ്പത്തിക ശക്തിയായി മാറുമെന്ന് ആഗോള ധനകാര്യ സേവനസ്ഥാപനമായ അമേരിക്കയിലെ മോര്ഗന് സ്റ്റാന്ലി. ഇന്ത്യയുടെ മൊത്ത ആഭ്യന്തര ഉല്പാദനം ( ജിഡിപി) 2028ല് 5.7 ലക്ഷം കോടി ഡോളര് ആയി ഉയരുമെന്നും മോര്ഗന് സ്റ്റാന്ലി റിപ്പോര്ട്ട് പറയുന്നു. അവിടുന്നങ്ങോട്ട് ഏഴാം വര്ഷമായ 2035ല് അത് 10. 6 ലക്ഷം കോടി ഡോളര് ആയിമാറുമെന്നും മോര്ഗന് സ്റ്റാന്ലി പ്രവചിക്കുന്നു.
2023ല് വെറും 3.5 ലക്ഷം കോടി ഡോളര് മാത്രമായിരുന്ന ഇന്ത്യന് സമ്പദ്ഘടന 2026ല് 4.7 ലക്ഷം കോടി ഡോളറായി. 2028ല് ഇന്ത്യയുടെ സമ്പദ്ഘടന 5.7 ലക്ഷം കോടി ഡോളര് ആകുന്നതോടെ ഇന്ത്യ ജര്മ്മനിയെ മറികടന്ന് ലോകത്തിലെ മൂന്നാമത്തെ സാമ്പത്തിക ശക്തിയായി ഉയരുമെന്നാണ് മോര്ഗന് സ്റ്റാന്ലി പറയുന്നത്.
ഇന്ത്യയിലെ അഞ്ച് സംസ്ഥാനങ്ങള് ഒരു ലക്ഷം കോടി ഡോളര് സമ്പദ്ഘടനയാകും
ഇന്ത്യയിലെ അഞ്ച് സംസ്ഥാനങ്ങളുടെ മൊത്തം ആഭ്യന്തരോല്പാദനം 2035ഓടെ ഒരു ലക്ഷം കോടി ഡോളര് ആയിര ഉയരുമെന്നും മോര്ഗന് സ്റ്റാന്ലി. മഹാരാഷ്ട്ര, ഉത്തര്പ്രദേശ് , തമിഴ്നാട്, ഗുജറാത്ത്, കര്ണ്ണാടക എന്നിവയാണ് ഈ സംസ്ഥാനങ്ങള്. ലോകത്തിലെ മികച്ച 20 സമ്പദ്ഘടനയെടുത്താല് ഈ സംസ്ഥാനങ്ങള് അതിനുള്ളില് പെടും. കഴിഞ്ഞ അഞ്ച് വര്ഷമായി ഏറ്റവും കൂടുതല് സാമ്പത്തിക വളര്ച്ച കാണിച്ച മൂന്ന് സംസ്ഥാനങ്ങളാണ് ഛത്തീസ് ഗഢ്, മധ്യപ്രദേശ്, ഉത്തര്പ്രദേശ് എന്നിവയാണ്. സമ്പദ്ഘടനയുടെ കാര്യത്തില് മൂന്പില് നില്ക്കുന്ന മൂന്ന് സംസ്ഥാനങ്ങള് ഗുജറാത്ത്, മഹാരാഷ്ട്ര, തെലുങ്കാന എന്നിവയാണ്.
അടുത്ത ദശകത്തില് ഇന്ത്യയായിരിക്കും ആഗോള വളര്ച്ചയുടെ 20 ശതമാനം സംഭാവന ചെയ്യാന് പോകുന്നതെന്നും മോര്ഗന് സ്റ്റാന്ലി പറയുന്നു. ഇന്ത്യയിലെ 28 സംസ്ഥാനങ്ങളും എട്ട് കേന്ദ്രഭരണപ്രദേശങ്ങളും ഇതില് സംഭാവന ചെയ്യും. ഈ വികസനത്തില് ഭാരത് മാല, പിഎം ഗതിശക്തി, സാഗര്മാല, നാഷണല് ഇന്ഫ്രാസ്ട്രക്ചര് പൈപ്പ് ലൈന്, ഉഡാന് എന്നീ സംസ്ഥാനങ്ങളുടെ കൂടി നേതൃത്വത്തില് നടപ്പാക്കേണ്ട പദ്ധതികള്ക്ക് വലിയ പങ്കുണ്ടായിരിക്കും. ഊര്ജ്ജം, ജലം, നഗരവികസനം എന്നീ മേഖലകളില് ഇന്ത്യ കൂടുതല് പണം മുടക്കും.
മാത്രമല്ല, ഇന്ത്യയുടെ സമ്പദ്ഘടന ഇപ്പോഴേ ലോകത്തെ നാലാമത്തേതായി മാറിയെന്ന് ഐഎംഎഫ് ഡേറ്റ വ്യക്തമാക്കിക്കഴിഞ്ഞു. ഇക്കാര്യം നീതി ആയോഗിന്റെ സിഇഒ ബിവിആര് സുബ്രഹ്മണ്യം 2025 മെയ് മാസത്തില് തന്നെ പ്രഖ്യാപിച്ചിരുന്നു. ജപ്പാന്റെ ആഭ്യന്തരോല്പാദനം 4.186 ലക്ഷം കോടി ഡോളര് ആണെങ്കില് ഇന്ത്യയുടേത് ഇപ്പോള് തന്നെ 4.187 ലക്ഷം കോടി ഡോളര് ആയിക്കഴിഞ്ഞുവെന്ന് ഐഎംഎഫ് കണക്കുകള് സൂചിപ്പിക്കുന്നു.
വളര്ന്നുവരുന്ന സാമ്പത്തിക ശക്തികളില് ഇന്ത്യയായിരിക്കും ഏറ്റവും സുരക്ഷിതമായ അഭയസ്ഥാനമെന്നും ജെപി മോര്ഗന് അഭിപ്രായപ്പെട്ടിരുന്നു.
