തിരുവനന്തപുരം : സംസ്ഥാനത്ത് എല്ഡിഎഫ് ഭരണം തുടരുമെന്നും തദ്ദേശ തെരഞ്ഞെടുപ്പോടെ കോണ്ഗ്രസ് ഇല്ലാതാകുമെന്നും പഞ്ചായത്ത് തിരഞ്ഞെടുപ്പില് കോണ്ഗ്രസ് മൂന്നാം സ്ഥാനത്തേക്ക് പോകുമെന്നുമുളള തിരുവനന്തപുരം ഡിസിസി അധ്യക്ഷന് പാലോട് രവി പാലോട് രവിയുടെ പരാമര്ശത്തില് ഉചിതമായ നടപടിയെടുക്കുമെന്ന് കെപിസിസി അധ്യക്ഷന് സണ്ണി ജോസഫ്.ശബ്ദ സന്ദേശം ആരും നിഷേധിച്ചിട്ടില്ലെന്നും പാലോട് രവിയോട് സംസാരിച്ചെങ്കിലും വിശദീകരണം ചോദിച്ചിട്ടില്ലെന്നും സണ്ണി ജോസഫ് പറഞ്ഞു.
പ്രാദേശിക കോണ്ഗ്രസ് നേതാവുമായുള്ള പാലോട് രവിയുടെ ഫോണ് സംഭാഷണമാണ് പുറത്തുവന്നത്.മുസ്ലിം വിഭാഗം മറ്റുപാര്ട്ടികളിലേക്കും സിപിഎമ്മിലേക്കും പോകും. കോണ്ഗ്രസ് എടുക്കാച്ചരക്കാകുമെന്നും പാലോട് രവി പറയുന്ന ഫോണ് സംഭാഷണമാണ് പുറത്തുവന്നത്.
കുറേ കോണ്ഗ്രസ് പ്രവര്ത്തകര് ബിജെപിയില് ചേരും. നിയമസഭയില് താഴെ വീഴും. 60 നിയമസഭാ മണ്ഡലത്തില് ബിജെപി എന്താണ് ചെയ്യാന് പോകുന്നതെന്ന് നീ നോക്കിക്കോ. കോണ്ഗ്രസ് പാര്ട്ടി മൂന്നാം സ്ഥാനത്തേക്ക് വീഴും. മാര്ക്സിസ്റ്റ് പാര്ട്ടി ഭരണം തുടരും. ഇതാണ് കേരളത്തില് സംഭവിക്കാന് പോകുന്നത്. ഇതോടെ ഈ പാര്ട്ടിയുടെ അധോഗതിയായിരിക്കുമെന്നും പാലോട് രവി പറയുന്നു.
എന്നാല് സംഭാഷണം പുറത്തായതോടെ വിശദീകരണവുമായി തിരുവനന്തപുരം പാലോട് രവി രംഗത്തെത്തി.പ്രവര്ത്തകര്ക്ക് താക്കീത് നല്കിയതാണ്. കോണ്ഗ്രസിന്റെ സംഘടനാ സംവിധാനങ്ങള് ശക്തിപ്പെടുത്തുന്നതിനായാണ് അത്തരം ഒരു സന്ദേശം നല്കിയതെന്നും ഈ സര്ക്കാര് മാറണമെന്ന് ജനം ആഗ്രഹിക്കുന്നുണ്ടെന്നും പാലോട് രവി പറഞ്ഞു.
യു ഡി എഫ് തിരിച്ചു വരാന് കഴിയുന്ന പ്രവര്ത്തനം തുടരുന്നുണ്ട്. പാര്ട്ടിക്ക് വലിയ ആത്മ വിശ്വാസം ഉണ്ട് . വാര്ഡുകളില് ടീം വര്ക്കായി പ്രവര്ത്തിക്കുകയാണ്. ഒരു പ്രവര്ത്തകനെ വിളിച്ചപ്പോള് അവര് പരാതികള് പറഞ്ഞുവെന്നും ഭിന്നതകള് തീര്ക്കണം എന്നാണ് ഓഡിയോയില് പറഞ്ഞതെന്നും പാലോട് രവി വ്യക്തമാക്കി.
തിരുവനന്തപുരം കോര്പ്പറേഷന് അതിര്ത്തിയില് എന്തായിരുന്നു സ്ഥിതി. നിങ്ങള് അത് പരിഹരിച്ചില്ലെങ്കില് പാര്ട്ടിയെ ബാധിക്കും എന്നാണ് പറഞ്ഞത്.ഫോണ് സംഭാഷണത്തിലെ ഒരു ചെറിയ ഭാഗം അടര്ത്തിയെടുത്തത് ഇപ്പോള് പുറത്തുവന്നിരിക്കുകയാണ്. ഇത്തരം സന്ദേശങ്ങള് ഫോണിലൂടെയും അല്ലാതെയും നിരന്തരമായി നല്കുന്നതാണെന്നും പാലോട് രവി പറഞ്ഞു.
പാര്ട്ടി യോഗങ്ങള് കൂടുമ്പോഴും ഇതാണ് പറയുന്നത്. ഒറ്റക്കെട്ടായി മുന്നോട്ട് പോകണമെന്നാണ് നല്കുന്ന നിര്ദ്ദേശം. ഈ വര്ഷം മികച്ച വിജയം കോര്പറേഷനില് നേടുമെന്നും പാലോട് രവി പറഞ്ഞു.
