തിരുവനന്തപുരം: സംസ്ഥാനത്തെ ഹയര്സെക്കന്ഡറി പാഠപുസ്തക പരിഷ്കരണത്തിന്റെ ഭാഗമായി ആദ്യ ഘട്ടത്തില് എസ്.സി.ഇ.ആര്.ടി.യുടെ 80 ടൈറ്റില് പുസ്തകങ്ങള് പരിഷ്കരിക്കുമെന്ന് പൊതുവിദ്യാഭ്യാസ മന്ത്രി വി ശിവന്കുട്ടി.
ഹയര്സെക്കന്ററി പാഠ്യപദ്ധതി പരിഷ്കരണം സംബന്ധിച്ച ജനകീയ ചര്ച്ചകളുടെ സംസ്ഥാനതല ഉദ്ഘാടനത്തില് വിവിധ മേഖലകളില് നിന്നായി വിദ്യാര്ത്ഥികളും പൊതുജനങ്ങളും ഉള്പ്പെടെ ആയിരത്തിലധികം പേര് പങ്കെടുത്തു. പങ്കെടുത്തവര് അവരുടെ അഭിപ്രായങ്ങള് എഴുതി നല്കുകയും ചെയ്തു.
ആഗസ്റ്റ് 1,2,4,5 തീയതികളില് ജില്ലാതല ചര്ച്ചകള് സംഘടിപ്പിക്കും. ഹയര് സെക്കന്ററി/വൊക്കേഷണല് ഹയര് സെക്കന്ററി ആര്.ഡി.ഡി, എ.ഡി. എന്നിവര് കണ്വീനറായ അഞ്ചംഗ സമിതി ചര്ച്ചകള്ക്ക് നേതൃത്വം നല്കും. അക്കാദമികമായി നേതൃത്വം നല്കാന് എസ്.സി.ഇ.ആര്.ടി. റിസര്ച്ച് ഓഫീസര്മാര്ക്കും ചുമതല നല്കും. ആഗസ്റ്റ് 18 ന് ആരംഭിച്ച് 2026 മാര്ച്ച് മാസത്തോടുകൂടി പൂര്ത്തിയാക്കുന്ന തരത്തിലാണ് പാഠപുസ്തക രചനാ പ്രവര്ത്തനങ്ങള് ക്രമീകരിക്കുക.
