മുംബൈ: ഇന്ത്യയുടെ ആത്മീയത ആഗോളതലത്തില് കൂടുതല് പ്രസക്തമാകുമെന്ന് ഡച്ച് എഴുത്തുകാരനും ഫൂച്ചറിസ്റ്റുമായ അഡ്ജിദ്ജ് ബകാസ്. ‘ഇന്ത്യ ആഴത്തിലുള്ള ആത്മീയ രാജ്യമാണ്, ലോകത്തെ പഠിപ്പിക്കാന് ഇന്ത്യയ്ക്ക് ധാരാളം കാര്യങ്ങളുണ്ട്’ അദ്ദേഹം പറഞ്ഞു, ഇന്ത്യയില് ആത്മീയ ടൂറിസം വളരും. ഭഗവാന് കൃഷ്ണന്റെ ജന്മസ്ഥലമായ ദ്വാരക പുനര്നിര്മ്മിക്കണം. ഗൗതമബുദ്ധന് തന്റെ ജീവിതത്തിന്റെ ഭൂരിഭാഗവും ഇന്ത്യയിലാണ് ചെലവഴിച്ചത്. യേശുവും ഏകദേശം 20 വര്ഷം ഇന്ത്യയില് ചെലവഴിച്ചു.
ഇന്ത്യയുടെ ഭാവി അതിന്റെ മൃദുശക്തിയിലാണ് . യോഗ, ഭക്ഷണം, ആത്മീയത, സംസ്കാരം എന്നിങ്ങനെ. തന്റെ പങ്കാളിയും ജിയോപൊളിറ്റിക്കല് സ്ട്രാറ്റജിസ്റ്റുമായ വിന്കോ ഡേവിഡുമായി സഹകരിച്ച് എഴുതിയ ഫോര്വേഡിസം എന്ന പുസ്തകത്തിന്റെ പ്രകാശനത്തിനായി മുംബൈയില് എത്തിയതാണ് അദ്ദേഹം.
ഇന്ത്യയ്ക്ക് വാഗ്ദാനം ചെയ്യാന് ധാരാളം കാര്യങ്ങളുണ്ട്: ‘യോഗ, ധ്യാനം, സംസ്കാരം, ഫാഷന്, സിനിമകള്, സംഗീതം പോലും. ഇന്ത്യയുടെ ആഗോള സ്വാധീനത്തില് ഭക്ഷണത്തിനും ഒരു പ്രധാന പങ്കു വഹിക്കാന് കഴിയും. പ്രത്യേകിച്ച് ലോകം കൂടുതല് കൂടുതല് സസ്യാഹാരികളായി മാറുന്ന ഈ സമയത്ത്. ‘ഇന്ത്യയില് സസ്യാഹാര പാചകക്കുറിപ്പുകളുടെ ഒരു വലിയ ശേഖരമുണ്ട്.’അദ്ദേഹം പറഞ്ഞു.
