കോട്ടയം: കോട്ടയം: ശക്തമായ മഴ തുടരുന്നതിനാലും വരും ദിവസങ്ങളില് അതിശക്തമായ മഴയും കാറ്റും ഉണ്ടാകാന് സാധ്യതയുണ്ടെന്ന് കേന്ദ്രകാലാവസ്ഥ വകുപ്പ് അറിയിച്ചിരിക്കുന്നതിനാലും എറണാകുളം, ഇടുക്കി ജില്ലകളിലെ എല്ലാ വിദ്യാഭ്യാസസ്ഥാപനങ്ങള്ക്കും വെള്ളിയാഴ്ച അതത് ജില്ല കളക്ടര്മാര് അവധി പ്രഖ്യാപിച്ചു. കോട്ടയം ജില്ലയില് കോട്ടയം, കാഞ്ഞിരപ്പള്ളി, മീനച്ചില് താലൂക്കുകളിലെ പ്രൊഫഷണല് കോളജുകള്, അങ്കണവാടികള് എന്നിവ ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച അവധി പ്രഖ്യാപിച്ച് ജില്ലാ കളക്ടര് ജോണ് വി. സാമുവല് ഉത്തരവായി. മുന് നിശ്ചയിച്ച പരീക്ഷകള്ക്ക് അവധി ബാധകമല്ല.
