പാലക്കാട്: റെയില്പാളത്തില് നിന്നും ഇരുമ്പ് ക്ലിപ്പുകള് കണ്ടെത്തിയതിന് പിന്നില് അട്ടിമറി ശ്രമമെന്ന് സംശയം.പൊലീസ് അന്വേഷണം ആരംഭിച്ചു.
ഒറ്റപ്പാലം- ലക്കിടി റെയില്വേ സ്റ്റേഷനുകള്ക്കിടയില് മായന്നൂര് മേല്പാലത്തിന് സമീപം അഞ്ചിടങ്ങളില് നിന്നാണ് ക്ലിപ്പുകള് കണ്ടെത്തിയത്. ഉറപ്പുള്ള ഇരുമ്പായതിനാല് അപകടസാധ്യതയുണ്ടായിരുന്നുവെന്ന് പൊലീസ് പറഞ്ഞു. പാലക്കാട് ഭാഗത്തേക്ക് കടന്നുപോയ മെമുവിലെ ലോക്കോ പൈലറ്റ് പാളത്തില് അസ്വാഭാവികത അനുഭവപ്പെട്ടതായി റിപ്പോര്ട്ട് ചെയ്തിരുന്നു.
തുടര്ന്ന് നടത്തിയ പരിശോധയിലാണ് പാളത്തെയും കോണ്ക്രീറ്റ് സ്ലീപ്പറിനെയും ബന്ധിപ്പിക്കുന്ന അഞ്ച് ഇആര് ക്ലിപ്പുകള് കണ്ടെത്തിയത്. സംഭവത്തില് ആര്പിഎഫും ഒറ്റപ്പാലം പൊലീസും കേസെടുത്ത് അന്വേഷണം തുടങ്ങി.
