തിരുവനന്തപുരം: അന്തരിച്ച മുന് മുഖ്യമന്ത്രിയും മുതിര്ന്ന സിപിഎം നേതാവുമായ വിഎസ് അച്യുതാനന്ദന്റെ ഭൗതിക ശരീരം വഹിച്ച് ആലപ്പുഴയിലേക്കുളള വിലാപയാത്ര അഞ്ചര മണിക്കൂര് പിന്നിട്ടപ്പോഴും 16 കിലോമീറ്റര് മാത്രമെ പിന്നിട്ടിട്ടുളളൂ. നിലവില് കണിയാപുരം എത്തിയതേ ഉളളൂ.
വിലാപ യാത്ര കടന്നുപോകുന്ന റോഡിന് ഇരുവശവും ജനം കാത്തുനിന്ന് അന്ത്യാഭിവാദ്യമര്പ്പിക്കുന്നുണ്ട്.തിരുവനന്തപുരം ജില്ലയില് 27 ഇടത്താണ് അന്ത്യാഭിവാദ്യം അര്പ്പിക്കാന് അവസരമുണ്ടാവുക.ഇപ്പോള് 14 ഇടങ്ങളില് അന്ത്യാഭിവാദ്യമര്പ്പിക്കല് പൂര്ത്തിയായി.
അതേസമയം,സംസ്കാരത്തോട് അനുബന്ധിച്ച് ആലപ്പുഴ ജില്ലയില് ബുധനാഴ്ച അവധി പ്രഖ്യാപിച്ചു. സര്ക്കാര് ഓഫീസുകള്ക്കും പ്രൊഫഷണല് കോളേജുകളടക്കം വിദ്യാഭ്യാസ സ്ഥാപനങ്ങള്ക്കും അവധി ആയിരിക്കും.സംസ്ഥാനത്ത് മൂന്ന് ദിവസം ദുഃഖാചരണവും പ്രഖ്യാപിച്ചിട്ടുണ്ട്.
