ജോര്ജ്ജിയ: ഫിഡെ വനിതാലോക ചെസ്സില് ചരിത്രമെഴുതി ഇന്ത്യയുടെ കൊനേരു ഹംപിയും ദിവ്യ ദേശ്മുഖും. ഇതാദ്യമായാണ് രണ്ടു ഇന്ത്യന് വനിതകള് സെമിഫൈനലില് സ്ഥാനം പിടിച്ചത്. ഇനി കൊനേരു ഹംപി സെമിയില് ചൈനയുടെ ലെ ടിംഗ്ജിയെ നേരിടുമ്പോള് ദിവ്യ ദേശ്മുഖ് ചൈനയുടെ തന്നെ ടാന് സോംഗിയെ നേരിടും.
ദിവ്യദേശ്മുഖ് ഇന്ത്യയുടെ തന്നെ ഹരിക ദ്രോണാവല്ലിയെയാണ് ക്വാര്ട്ടര്ഫൈനലില് നേരിട്ടത്. ഹരികയെ 2-0ന് ഏകപക്ഷീയമായി തോല്പിച്ചാണ് ദിവ്യ ദേശ്മുഖ് സെമിയില് കടന്നത്. നേരത്തെ ലോക ജൂനിയര് ചാമ്പ്യനായിരുന്നു ദിവ്യ ദേശ്മുഖ്. വെറും 19 വയസ്സുള്ള ദിവ്യ ദേശ്മുഖ് ഇന്ത്യയ്ക്ക് മുതല്ക്കൂട്ടാണ്. ലോക വനിതാ ചെസ്സില് ഇത്രയും ചെറിയ പ്രായത്തില് സെമിയില് പ്രവേശിക്കുക എന്ന അപൂര്വ്വ നേട്ടമാണ് ദിവ്യ ദേശ്മുഖ് സ്വന്തമാക്കിയത്. മഹാരാഷ്ട്രയിലെ നാഗ് പൂര് സ്വദേശിയാണ് ദിവ്യ ദേശ് മുഖ്. ചെസ്സില് റാപിഡും ബ്ലിറ്റ്സും ക്ലാസിക് ചെസും ഒരു പോലെ കൈകാര്യം ചെയ്യുന്ന താരമാണ്. ലോകറാങ്കിംഗ് 908 ആണ്. ഇന്ത്യയുടെ 21ാം വനിതാ ഗ്രാന്റ് മാസ്റ്ററാണ്. 2021ലാണ് ഇവര് ഗ്രാന്റ് മാസ്റ്റര് പട്ടം നേടിയത്. 2500 ആണ് കൗമാരതാരത്തിന്റെ ഇഎല്ഒ റേറ്റിംഗ്. ജൂണില് ലണ്ടനില് നടന്ന ലോക ബ്ലിറ്റ്സ് ചെസ്സില് ലോക ഒന്നാം നമ്പര് താരം ചൈനയുടെ ഹൂ യിഫാനെ അട്ടമറിച്ച ദിവ്യ ദേശ്മുഖിനെ പ്രധാനമന്ത്രി മോദി അഭിനന്ദിച്ചിരുന്നു.
നേരത്തെ ചൈനയുടെ യുക്സിന് സോംഗിനെ 1.5-0.5 പോയിന്റുകള്ക്ക് തോല്പിച്ച് കൊനേരു ഹംപി സെമിയില് കടന്നിരുന്നു. പലരെയും അട്ടിമറിച്ചാണ് ഈ ടൂര്ണ്ണമെന്റില് യുക്സിന് സോംഗ് ക്വാര്ട്ടര് വരെ എത്തിയത്. പക്ഷെ അവരെ അനായാസം കൊനേരു ഹംപി മറികടന്നു. സെമിയില് കടന്ന മറ്റ് രണ്ട് പേര് ചൈനക്കാരാണ്. ഈ ടൂര്ണ്ണമെന്റില് അപാരഫോമിലാണ് കൊനേരു ഹംപി. അനായാസമാണ് അവര് സെമിയില് കടന്നത്. ആന്ധ്ര സ്വദേശിനിയായ കൊനേരു ഹംപി ഒഎന്ജിസിയില് ജോലി ചെയ്യുകയാണ്. ലോക റാങ്കിംഗില് 399ാം സ്ഥാനക്കാരിയാണ് കൊനേരു ഹംപി.
ലെയ് ടിംഗ്ജീയും ടാന് സോംഗിയും. എന്തായാലും ഇതിലെ ആദ്യ മൂന്ന് പേര് 2026ല് നടക്കുന്ന കാന്ഡിഡേറ്റ് ടൂര്ണ്ണമെന്റില് പങ്കെടുക്കാന് യോഗ്യത നേടും. സെമിയില് തോറ്റാലും തോറ്റവര് തമ്മില് ഏറ്റുമുട്ടി വിജയം നേടുന്ന മൂന്നാമത്തെ ആളും കാന്ഡിഡേറ്റ്സില് പങ്കെടുക്കാന് യോഗ്യത നേടും. ഇതില് ചാമ്പ്യനാകുന്ന ആള് ലോക ചെസ് കിരീടത്തിനായി ഇപ്പോഴത്തെ ലോക ചാമ്പ്യനായ ചൈനക്കാരി ജു വെന്ജുനുമായി ഏറ്റുമുട്ടും.
