മുംബൈ: ബജാജുമായി ബന്ധം വേര്പ്പെടുത്തിയ ജര്മ്മന് കമ്പനിയായ അലയന്സ് റിലയന്സിന്റെ ജിയോ ഫിനാന്ഷ്യലുമായി ചേര്ന്ന് റീ ഇന്ഷുറന്സ് മേഖലയിലേക്ക് കടകുന്നു. ഇന്ത്യയില് കുതിച്ചുവളരുന്ന ഇന്ഷുറന്സ് രംഗം കീഴടക്കുകയാണ് ലക്ഷ്യം. 50:50 എന്ന നിലയിലാണ് ഈ പങ്കാളിത്തം.
എന്താണ് റീ ഇന്ഷുറൻസ്?
ഇന്ഷുറന്സ് കമ്പനികള്ക്ക് നല്കുന്ന ഇന്ഷുറന്സ് സേവനത്തെയാണ് റീ ഇന്ഷുറന്സ് എന്ന് വിളിക്കുന്നത്. ഒരു റിസ്ക് മാനേജ് മെന്റ് എന്ന രീതിയിലാണ് ഇന്ഷുറന്സ് കമ്പനികള് റീ ഇന്ഷുറന്സ് കമ്പനിയെ സമീപിക്കുക. ഇത് ഇന്ത്യയില് നല്ല സാധ്യതയുള്ള മേഖലയാണ്. സാധാരണ വലിയ തുകയുടെ ഇന്ഷുറന്സ് ഏറ്റെടുക്കുന്ന ഇന്ഷുറന്സ് കമ്പനികള് അവരുടെ ഇന്ഷുറന്സുകള് റീ ഇന്ഷുറന്സ് കമ്പനികളില് ഇന്ഷ്വര് ചെയ്യാറുണ്ട്.
ന്യൂ ഇന്ത്യാ എഷുറന്സ്, എച്ച് ഡി എഫ് സി എര്ഗോ, ഐസിഐസിഐ ലൊംബാര്ഡ്, ഇഫ് കോ ടോകിയോ ജനറല് ഇന്ഷുറന്സ് എന്നിവ ഇന്ത്യയിലെ പ്രമുഖ റീ ഇന്ഷുറന്സ് കമ്പനികളാണ്. 2047ഓടെ എല്ലാവര്ക്കും ഇന്ഷുറന്സ് എന്ന ഇന്ത്യയുടെ ലക്ഷ്യം കൈവരിക്കുമെന്ന് മുകേഷ് അംബാനി പറയുന്നു.
മാസങ്ങള്ക്ക് മുന്പാണ് അലയന്സ് എന്ന കമ്പനി ബജാജ് ഫിന്സെര്വുമായി ഉണ്ടായിരുന്ന പങ്കാളിത്തം ഉപേക്ഷിച്ചത്. ആഗോള റീ ഇന്ഷുറന്സ് രംഗത്ത് അലയന്സിനുള്ള അനുഭവപരിചയവും റിലന്സിന്റെ ജിയോ ഫിനാന്ഷ്യലിന് ഇന്ത്യന് വിപണിയിലെ അനുഭവ പരിചയവുമാണ് കൈകോര്ക്കുന്നത്.
