ന്യൂദല്ഹി: പ്രമുഖ മോദിവിരുദ്ധ ജേണലിസ്റ്റായ ബര്ഖാദത്ത് 2022ലാണ് കന്വാര് യാത്രയ്ക്കെതിരെ വിദ്വേഷകമന്റ് നടത്തിയത്. “സര്ക്കാര് ഉദ്യോഗസ്ഥര് കന്വാരിയകള്ക്ക് പൂക്കള് വിതറും, റോഡിലെ നമാസിനെ എതിര്ക്കും” എന്നായിരുന്നു ബര്ഖാദത്ത് നടത്തിയ ഈ വിദ്വേഷകമന്റ്.
ബര്ഖാ ദത്തിന്റെ വിവാദ പോസ്റ്റ്:
ഇപ്പോഴും ബര്ഖാദത്തിന്റെ ഈ പോസ്റ്റ് സമൂഹമാധ്യമങ്ങളില് വൈറലാണ്. വര്ഷത്തില് ഒരിയ്ക്കല് മാത്രമാണ് കന്വാര് യാത്ര നടക്കുന്നത്. ഗംഗാജലം തേടി തോളില് ചുമക്കുന്ന വടിയുടെ അറ്റങ്ങളില് വലിയ പാത്രങ്ങളും പേറി കന്വാരിയകള് എന്ന ശിവഭക്തര് നടത്തുന്ന യാത്രയാണിത്. അതിനെയാണ് ബര്ഖാ ദത്ത് ദല്ഹിയിലെ റോഡുകളില് എല്ലാ വെള്ളിയാഴ്ചകളിലും നടക്കുന്ന നമാസിനോട് താരതമ്യം ചെയ്യുന്നത്.
ഈ വര്ഷം ജൂലായ് 11 മുതല് ജൂലായ് 23 വരെയാണ് കന്വാര് യാത്ര. ശിവഭക്തരെയാണ് കന്വാരിയകള് എന്ന് വിളിക്കുന്നത്. ഗംഗാജലം ശേഖരിക്കാന് ഹരിദ്വാര്, ഗുരുമുഖ്, ഗംഗോത്രി എന്നീ തീര്ത്ഥസ്ഥലങ്ങളിലേക്ക് കന്വാരിയകള് എന്ന് വിളിക്കപ്പെടുന്ന ശിവഭക്തര് ഉത്തരേന്ത്യയിലെ വിവിധ സംസ്ഥാനങ്ങളില് നിന്നും കാല്നടയായി പോയി ഗംഗാജലവും ശേഖറിച്ച് കാല്നടയായി തന്നെ മടങ്ങിപ്പോകും. ഇതിനെയാണ് കന്വാര് യാത്ര എന്ന് വിളിക്കുന്നത്. ഗംഗാജലം ശേഖരിക്കാനുള്ള പാത്രം തോളില് ഏന്തിയാണ് ഇവര് നടന്നുപോവുക. ശ്രമകരവും അങ്ങേയറ്റം ത്യാഗോജ്ജ്വലവും ഭക്തിനിര്ഭരവുമാണ് ഈ യാത്ര.
