കാസര്ഗോഡ് : കനത്ത മഴ മൂലം ചുവപ്പ് ജാഗ്രത പ്രഖ്യാപിച്ച കാസര്ഗോഡ് ജില്ലയില് ഞായറാഴ്ചയും വിദ്യാഭ്യാസ സ്ഥാപനങ്ങള്ക്ക് അവധി. ഞായറാഴ്ച പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കാണ് ജില്ലാ കളക്ടര് അവധി പ്രഖ്യാപിച്ചത്.എന്നാല് നേരത്തെ നിശ്ചയിച്ച പരീക്ഷകളില് മാറ്റമില്ല.
അതേസമയം, കേരളത്തില് ശനിയും ഞായറും അതിതീവ്ര മഴ തുടരുമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി.ഉത്തരകേരളത്തിലും മലയോര മേഖലകളിലും മഴ കനക്കുമെന്നാണ് പ്രവചനം.ശനിയാഴ്ച 14 ജില്ലകളിലും മഴ മുന്നറിയിപ്പുണ്ട്.മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് ചുവപ്പ് ജാഗ്രത പ്രഖ്യാപിച്ചു. എറണാകുളം, ഇടുക്കി, തൃശൂര്, പാലക്കാട് ജില്ലകളില് ഓറഞ്ച് ജാഗ്രതയും തിരുവനന്തപുരം, കൊല്ലം ,പത്തനംതിട്ട, ആലപ്പുഴ, കോട്ടയം, ജില്ലകളില് മഞ്ഞ ജാഗ്രതയുമാണ്.
കണ്ണൂര്, കാസര്ഗോഡ് ജില്ലകളില് ഞായറാഴ്ചയും ചുവപ്പ് ജാഗ്രതയാണ്. മഴക്കൊപ്പം ശക്തമായ കാറ്റിനും സാധ്യതയുള്ളതിനാല് പൊതുജനങ്ങള് ജാഗ്രത പാലിക്കണം. തിരുവനന്തപുരം, കൊല്ലം,ആലപ്പുഴ,കണ്ണൂര്-കാസറഗോഡ് ജില്ലകളിലെ തീരങ്ങളിലും കന്യാകുമാരി തീരത്തും ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.കേരള കര്ണാടക ലക്ഷദ്വീപ് തീരങ്ങളില് മത്സ്യബന്ധനത്തിന് വിലക്കുണ്ട്.
