തിരുവനന്തപുരം: നാവായിക്കുളം കിഴക്കനേല ഗവണ്മെന്റ് എല്.പി സ്കൂളിലെ കുട്ടികള്ക്ക് ഭക്ഷ്യവിഷബാധയേറ്റതിനെ തുടര്ന്ന് പാരിപ്പള്ളി സര്ക്കാര് ആശുപത്രിയില് ചികിത്സ തേടി.കഴിഞ്ഞ ദിവസമാണ് സംഭവം.
25 ഓളം കുട്ടികള്ക്കാണ് സ്കൂളിലെ ഉച്ചഭക്ഷണം കഴിഞ്ഞ് അസ്വസ്ഥത അനുഭവപ്പെട്ടത്.ചോറിനോടൊപ്പം ചിക്കന് കറിയും വിളമ്പിയിരുന്നു. ഇതില് നിന്നാകാം ഭക്ഷ്യ വിഷബാധയെന്നാണ് പ്രാഥമിക നിഗമനം. രണ്ടു കുട്ടികള് ആശുപത്രിയില് ചികിത്സയില് ഉണ്ട്. നാവായിക്കുളം വെട്ടിയറ സ്വദേശി ചിരഞ്ജീവി(8),കിഴക്കനേല സ്വദേശി വജസ് വിനോദ് (6) എന്നിവരാണ് പാരിപ്പള്ളി മെഡിക്കല് കോളേജില് 8-ാം വാര്ഡില് ചികിത്സയില് ഉളളത്.
ചികിത്സ തേടിയ ശേഷം വീട്ടിലേക്ക് മടങ്ങിയ കുട്ടികള് നിരീക്ഷണത്തിലാണ്.
