ചെങ്ങന്നുര്: ഇസ്ലാമിക ഭീകരവാദികള്ക്ക് സുരക്ഷാ കവചം ഒരുക്കുകയാണ് കേരളത്തിലെ കോണ്ഗ്രസ്-കമ്യൂണിസ്റ്റ് രാഷ്ട്രീയ ശക്തികള് ചെയ്യുന്നതെന്ന് പ്രജ്ഞാപ്രവാഹ് ദേശീയ സംയോജക് ജെ. നന്ദകുമാര്. ചെങ്ങന്നൂര് ക്രിസ്ത്യന് കോളജില് പോപ്പുലര് ഫ്രണ്ട്-ക്യാമ്പസ് ഫ്രണ്ട് ഭീകരവാദികളുടെ ആക്രമണത്തില് ധീരബലിദാനിയായ മുളക്കുഴ കോട്ട ശ്രീശൈലത്തില് വിശാലി (20) ന്റെ 13-ാം സ്മൃതിദിനാചരണത്തില് അനുസ്മരണ പ്രഭാഷണം നടത്തുകയായിരുന്നു അദ്ദേഹം.
ഭാരതത്തിന്റെ ഹിന്ദുത്വ വികാരം ശക്തിപ്പെടുന്നത് ചില രാഷ്ട്രവിരുദ്ധശക്തികള്ക്ക് സഹിക്കുന്നില്ല. രാഷ്ട്രത്തിന്റെ സ്പന്ദനങ്ങള്ക്കൊപ്പം പ്രവര്ത്തിക്കുന്നവരെ അവര് ഇല്ലാതാക്കാന് ശ്രമിക്കുന്നു. ഭാരതീയ പാരമ്പര്യത്തെയും, ഗുരുമഹിമയേയും ഇവര് തകര്ക്കാന് ശ്രമിക്കുന്നു. എന്നാല് രാമായണം പോലുള്ള ഇതിഹാസങ്ങളെ ഇന്ന് സമൂഹം ഏറ്റെടുത്തു. ഭാരതീയ പാരമ്പര്യത്തെ തകര്ക്കാന് ഇക്കൂട്ടര് ശ്രമിക്കുമ്പോള് സനാതന ധര്മം ശക്തമായി മുന്നോട്ട് തന്നെ പോകും. ഏതൊരു ആശയത്തിന്റെ പ്രചരണത്തിന് വേണ്ടിയാണോ വിശാലിനെ പേലുള്ള ബലിദാനികള് ജീവന് അര്പ്പിച്ചത് ആ ദേശീയബോധത്തെ ഉയര്ത്തിപ്പിടിക്കാന് സാധിക്കണമെന്നും അദ്ദേഹം പറഞ്ഞു.
ഹിന്ദുഐക്യവേദി സംസ്ഥാന സംഘടന സെക്രട്ടറി സി. ബാബു, ആര്എസ്എസ് ഖണ്ഡ് സഹസംഘചാലക് വി.ആര്. മധു, വിഭാഗ് സഹസമ്പര്ക്ക പ്രമുഖ് സി.ജെ. മധുപ്രസാദ്, ജില്ലാ കാര്യവാഹ് എസ്. സതീഷ്, പ്രചാരക് എം.എല്. അഖില്രാജ്, സഹകാര്യവാഹ് എം. മിഥുന്, സമ്പര്ക്ക പ്രമുഖ് കെ.എം. ഗിരീഷ്, ബൗദ്ധിക്ക് പ്രമുഖ് ആര്. രാജീവ്, ഖണ്ഡ് കാര്യവാഹ് യു. പ്രവീണ്, ബിജെപി സംസ്ഥാന സെക്രട്ടറി എം.വി. ഗോപകുമാര്, ജില്ലാ ജനറല് സെക്രട്ടറി പി.ബി. അഭിലാഷ്, പി.ആര്. ഷാജി, പ്രമോദ് കാരയ്ക്കാട്, അനീഷ് മുളക്കുഴ, ആര്. ശ്രീനാഥ്, വി.എം. മഹേഷ്, എസ്. അഭിജിത്ത്, കെ. രതീഷ് തുടങ്ങിയവര് പങ്കെടുത്തു. എബിവിപിയുടെ നേതൃത്വത്തില് നടത്തിയ അനുസ്മരണ സമ്മേളനം സംസ്ഥാന സെക്രട്ടറി ഇ.യു. ഈശ്വരപ്രസാദ് ഉദ്ഘാടനം ചെയ്തു.
സംസ്ഥാന ജോ. സെക്രട്ടറി ഗോകുല് കൃഷ്ണന്, ജില്ല സെക്രട്ടറി അകുല് ആര് കമ്മത്ത്, സംസ്ഥാന സമിതിയംഗം അതുല് കൃഷ്ണന് എന്നിവര് സംസാരിച്ചു.
