കൊല്ലം: സ്വകാര്യ ബസ് സമരം പ്രഖ്യാപിച്ച സാഹചര്യത്തില് ബസുടമകളുമായി ചര്ച്ച നടത്തുമെന്ന് ഗതാഗത മന്ത്രി കെബി ഗണേഷ് കുമാര്. ആദ്യഘട്ടമായി ഗതാഗത കമ്മീഷണര് ചര്ച്ച നടത്തും. അത് വിജയിച്ചില്ലെങ്കില് മന്ത്രി തല ചര്ച്ച ഉണ്ടാകും.
വിദ്യാര്ഥികള്ക്ക് കണ്സഷന് ടിക്കറ്റ് നല്കാന് ഒന്നര മാസത്തിനുള്ളില് ആപ്പ് പുറത്തിറക്കുമെന്ന് മന്ത്രി ഗണേഷ് കുമാര് പറഞ്ഞു. അതോടെ വിദ്യാര്ഥികള്ക്ക് മാത്രം കണ്സഷന് ലഭിക്കുന്ന സ്ഥിതി ഉണ്ടാകും. എത്ര വിദ്യാര്ത്ഥികള്ക്ക് കണ്സക്ഷന് ലഭിക്കുന്നു എന്ന കണക്ക് ആപ്പിലൂടെ കണ്ടെത്താനാകും.
വിദ്യാര്ഥി കണ്സെഷന് വര്ധിപ്പിക്കണമെന്നതടക്കം ആവശ്യങ്ങള് ഉന്നയിച്ചാണ് സംസ്ഥാനത്ത് സ്വകാര്യബസ് പണിമുടക്ക് പ്രഖ്യാപിച്ചത്. ഈ മാസം 8 നാണ് സൂചന പണിമുടക്ക്.അനുകൂല തീരുമാനമുണ്ടായില്ലെങ്കില് 22 മുതല് അനിശ്ചിത കാല സമരം നടത്തുമെന്നാണ് ബസുടമകളുടെ പ്രഖ്യാപനം.
നേരത്തേ മന്ത്രി ഗണേഷ്കുമാറിനെതിരെ രൂക്ഷ വിമര്ശനം ബസുടമകള് ഉയര്ത്തിയിരുന്നു. സ്വകാര്യ ബസ് വ്യവസായത്തെ തകര്ക്കാനാണ് ഗതാഗതമന്ത്രി ശ്രമിക്കുന്നതെന്നും കുറ്റപ്പെടുത്തി. പെര്മിറ്റ് പോലും പുതുക്കി നല്കാന് തയാറാകുന്നില്ലെന്നും ഉടമകള് പറഞ്ഞു.
