തിരുവനന്തപുരം: വോട്ടിനുവേണ്ടി മാത്രം പ്രീണനം നടത്തുന്നവര് ഭരിക്കാന് തുടങ്ങിയ കാലം മുതല് ഭാരതത്തിലെ മുഴുവന് തീവ്രവാദ പ്രവര്ത്തനങ്ങളുടെയും ആസൂത്രിത കേന്ദ്രമായി കേരളം മാറിക്കൊണ്ടിരിക്കുകയാണെന്ന് ബജ്റംഗ്ദള് ക്ഷേത്രീയ സംയോജക് ജിജേഷ് പട്ടേരി.
അനധികൃത കുടിയേറ്റക്കാരായ റോഹിങ്ക്യന് ബംഗ്ലാദേശി മുസ്ലീങ്ങളെ കേരളത്തില് നിന്ന് പുറത്താക്കണമെന്നാവശ്യപ്പെട്ട് ബജ്റംഗ്ദള് സംഘടിപ്പിച്ച സെക്രട്ടേറിയറ്റ് ധര്ണ ഉദ്ഘാടനം ചെയ്യുകയായിരുന്നു അദ്ദേഹം. കഴിഞ്ഞ കുറച്ചുവര്ഷങ്ങളായി പുകഞ്ഞുകൊണ്ടിരിക്കുന്ന അഗ്നിപര്വ്വതത്തിന്റെ അവസ്ഥയിലാണ് കേരളത്തിന്റെ സാമൂഹിക അന്തരീക്ഷം. അനധികൃത കുടിയേറ്റക്കാരായി കേരളത്തിലേക്ക് വന്നുകൊണ്ടിരിക്കുന്ന റോഹിങ്ക്യന് ബംഗ്ലാദേശി മുസ്ലീങ്ങള് സാമൂഹികാന്തരീക്ഷത്തില് വരുത്തിയിട്ടുള്ള അപകടകരമായ മാറ്റങ്ങളെക്കുറിച്ചും നാം ബോധവാന്മാരാകണമെന്നും അദ്ദേഹം പറഞ്ഞു. അനധികൃതമായി കേരളത്തില് താമസിക്കുന്ന മുഴുവന് മുസ്ലീങ്ങളെയും പരിശോധിച്ച് ഇന്ത്യന് പൗരത്വമില്ലാത്തവരെ ഉടന്തന്നെ കേരളത്തില് നിന്ന് പുറത്താക്കണമെന്നും ജിജേഷ് പട്ടേരി ആവശ്യപ്പെട്ടു. അല്ലാത്തപക്ഷം റോഹിങ്ക്യന് ബംഗ്ലാദേശികളെ തുടച്ചു നീക്കുന്ന പ്രവര്ത്തനം ബജ്റംഗ്ദള് ഏറ്റെടുക്കേണ്ടി വരുമെന്നും അദ്ദേഹം മുന്നറിയിപ്പ് നല്കി.
വിഎച്ച്പി സംസ്ഥാന ജനറല് സെക്രട്ടറി അഡ്വ. അനില് വിളയില് അധ്യക്ഷനായ ചടങ്ങില് വര്ക്കിംഗ് പ്രസിഡന്റ് കെ.വി. രാജശേഖരന്, തിരുവനന്തപുരം വിഭാഗ് സെക്രട്ടറി സി.ബാബുക്കുട്ടന്, സംസ്ഥാന മഠമന്ദിര് പ്രമുഖ് ജയകുമാര്, സമ്പര്ക്കപ്രമുഖ് കെ.എസ.് റെജി, സംഘടനാ സെക്രട്ടറി അജിത്ത്, ധര്മപ്രസാര് സഹസംയോജക് സാബു, തിരുവനന്തപുരം ജില്ലാ സെക്രട്ടറി അജിത്കുമാര്, ജില്ലാ ബജ്റംഗ്ദള് മഹാനഗര് സംയോജക് എം. അജിത്കുമാര് തുടങ്ങിയവര് സംസാരിച്ചു.
