ന്യൂദല്ഹി: സിന്ധുനദീജലം വിട്ടുകൊടുക്കാന് തയ്യാറില്ലെന്ന നിലപാട് ഇന്ത്യ കടുപ്പിച്ചതോടെ ഇന്ത്യയുമായി അര്ത്ഥവത്തായ ചര്ച്ച വേണമെന്ന അഭിപ്രായവുമായി പാകിസ്ഥാന് പ്രധാനമന്ത്രി ഷെഹ് ബാസ് ഷെരീഫ്. അതേ സമയം, പാക് അധിന കശ്മീര് ഇന്ത്യയ്ക്ക് വിട്ടുകൊടുക്കുന്നതിനെപ്പറ്റിയും തീവ്രവാദത്തെപ്പറ്റിയും മാത്രമേ ചര്ച്ച നടത്തൂ എന്ന് സ്വരം കടുപ്പിക്കുകയാണ് ഇന്ത്യ.
സൗദി കിരീടാവകാശി മുഹമ്മദ് ബിന് സല്മാനുമായി ഫോണില് സംസാരിക്കവേയാണ് ഇന്ത്യയുമായി അര്ത്ഥവത്തായ സംഭാഷണം നടത്താന് താല്പര്യമുണ്ടെന്ന് ഷെഹ്ബാസ് ഷെരീഫ് പറഞ്ഞത്. പക്ഷെ ഒരു കാരണവശാലും പാകിസ്ഥാന് സിന്ധുനദീജലം നല്കുന്ന പ്രശ്നമില്ലെന്ന കടുത്ത നിലപാടിലാണ് ഇന്ത്യ. ഇക്കാര്യം ഇന്ത്യയുടെ ആഭ്യന്തരമന്ത്രി അമിത് ഷാ തറപ്പിച്ചു പറയുകയും ചെയ്തിരുന്നു.
സിന്ധുനദീജലം കിട്ടാത്തതിനാല് പാകിസ്ഥാനിലെ പഞ്ചാബ് പ്രവിശ്യയിലേതുള്പ്പെടെ കര്ഷകര് അസ്വസ്ഥരാണ്. അവരുടെ കൃഷിയ്ക്ക് ആവശ്യമായ ജലം കിട്ടാത്തതിനാല് ഇത് ഒരു കര്ഷകകലാപമായി തന്നെ പാകിസ്ഥാന് സര്ക്കാരിനെതിരെ രൂപപ്പെട്ടേയ്ക്കുമെന്ന സ്ഥിതി സംജാതമായിരിക്കുകയാണ്.
