തൃശൂര്‍: മതമൗലികവാദത്തോട് സിപിഐമ്മിനും കോണ്‍ഗ്രസിനും മൃദുസമീപനമെന്ന് ബിജെപി നേതാവ് കെ സുരേന്ദ്രന്‍.സൂംബ ഡാന്‍സ് വിവാദത്തില്‍ സിപിഎമ്മിനും കോണ്‍ഗ്രസിനും എതിരെ പ്രതികരിക്കുകയായിരുന്നു അദ്ദേഹം.
സൂംബ ഡാന്‍സിനെ എതിര്‍ക്കുന്നവര്‍ നാളെ ആണ്‍കുട്ടികളും പെണ്‍കുട്ടികളും ഒരുമിച്ചിരുന്ന് പഠിക്കുന്നതിനെ എതിര്‍ക്കും.മതമൗലികവാദികള്‍ക്ക് എന്തും ചെയ്യാവുന്ന നാടായി കേരളം മാറിയെന്ന് കെ സുരേന്ദ്രന്‍ അഭിപ്രായപ്പെട്ടു.
സൂംബ വിവാദത്തില്‍ പ്രതിപക്ഷത്തെ മേജര്‍മാരും ക്യാപ്റ്റന്‍മാരും വായ തുറക്കില്ലെന്നും കെ സുരേന്ദ്രന്‍ പരിഹസിച്ചു.സൂംബ അടിച്ചേല്‍പ്പിക്കില്ലെന്ന എം വി ഗോവിന്ദന്റെ പ്രസ്താവനയെയും സുരേന്ദ്രന്‍ വിമര്‍ശിച്ചു. എംവി ഗോവിന്ദന്‍ മയപ്പെട്ടെന്നും മതമൗലികവാദത്തോട് എന്തൊരു വിട്ടുവീഴ്ചയെന്നും അദ്ദേഹം പരിഹസിച്ചു.
പ്രതികരിക്കാൻ ഇവിടെ എഴുതുക