തിരുവനന്തപുരം: നെയ്യാര്‍ ഡാം കുടുംബാരോഗ്യ കേന്ദ്രത്തില്‍ നാട്ടുകാര്‍ പ്രതിഷേധമുയര്‍ത്തി. രോഗികളെ നോക്കാന്‍ ഡോക്ടര്‍ ഇല്ലെന്നതിലാണ് പ്രതിഷേധം. ഇന്നും നാളെയും ഉച്ചയ്‌ക്ക് ശേഷം ഒ പി ഉണ്ടായിരിക്കില്ലെന്ന് അറിയിച്ച് മെഡിക്കല്‍ ഓഫീസര്‍ പോയെന്ന് നാട്ടുകാര്‍ കുറ്റപ്പെടുത്തി.
പനി, ഡെങ്കിപ്പനി , എലിപ്പനി അടക്കം പകര്‍ച്ചവ്യാധികള്‍ പടരുകയാണ്. ഇതിനിടയിലാണ് മെഡിക്കല്‍ ഓഫീസര്‍ ഡോ. രഞ്ജിനിയുടെ അനാസ്ഥയെന്നാണ് നാട്ടുകാരുടെ ആരോപണം.
ആശുപത്രിയില്‍ മെഡിക്കല്‍ ഓഫീസര്‍ അടക്കം മൂന്ന് ഡോക്ടര്‍മാരാണ് ഉള്ളത് .ഒരാള്‍ മെഡിക്കല്‍ ലീവിലും മറ്റൊരാള്‍ വ്യാഴാഴ്ച അവധിയിലുമായിരുന്നു. ഡ്യൂട്ടിയില്‍ ഉണ്ടായിരുന്ന മെഡിക്കല്‍ ഓഫീസറാണ് ഉച്ചയ്‌ക്കുശേഷം ഒ പി ഇല്ലെന്ന് അറിയിച്ച് ആശുപത്രിയില്‍ നിന്ന് പോയത്.
പ്രതികരിക്കാൻ ഇവിടെ എഴുതുക: