ടെ ഹ്റാന് : ആയത്തൊള്ള ഖമനേയിയുടെ സര്ക്കാരിന് വേണ്ടി കൊല്ലും കൊലയും നടത്തുന്ന ബസിജ് അര്ധസൈനികവിഭാഗത്തിന്റെ ആസ്ഥാനം ഇസ്രയേല് തിങ്കളാഴ്ച മിസൈല് ആക്രമണത്തില് തകര്ത്തു. ഇറാന്റെ ഔദ്യോഗിക സൈന്യമായ ഇസ്ലാമിക് റെവലൂഷണറി ഗാര്ഡ് കോര്പ്സിനെ (ഐആര്ജിസി) സഹായിക്കുന്ന മറ്റൊരു ഭീകരസംഘമാണ് ബസിജ് ആര്മി. ഇവരുടെ ടെഹ്റാനിലുള്ള ആസ്ഥാനം തകര്ത്ത മിസൈല് ആക്രമണത്തില് നൂറില്പരം ഐആര്സിജി സൈനികരും കൊല്ലപ്പെട്ടു.
ബസിജ് ആര്മി:മാഷാ അമീനി കലാപമുള്പ്പെടെ അടിച്ചമര്ത്തിയ ഇറാന്റെ ഇരുമ്പുമുഷ്ടി
ഇറാന് സര്ക്കാരിനെ വിമര്ശിക്കുന്നവരുടെ പേടിസ്വപ്നമാണ് ബസിജ് ആര്മി. ഇറാന്റെ എല്ലാ തലങ്ങളിലും ബസിജ് ആര്മിയുടെ സാന്നിധ്യമുണ്ട്. സ്കൂളുകള്, യൂണിവേഴ്സിറ്റികള്, ആരോഗ്യകേന്ദ്രങ്ങള്, കോടതികള്, സാമൂഹിക സ്ഥാപനങ്ങള് തുടങ്ങിയ ഇടങ്ങളില് എല്ലാം ബസിജ് ആര്മി ഉണ്ട്. അങ്ങിനെ കാലാകാലങ്ങളില് സമൂഹത്തില് ആയത്തൊള്ള ഖമേനിയ്ക്കെതിരായി ശബ്ദമുയര്ത്തുന്നവര് ആരെല്ലാമാണെെന്ന് എളുപ്പത്തില് തിരിച്ചറിയാന് ഇതുവഴി സാധിക്കും. ആശയപരമായി ഇവര് ഇസ്ലാമിക ആശയങ്ങളുടെ അടിമകളായതിനാല് ബസിജ് സേനയെ ചെറിയ ചെലവില് നിലനിര്ത്താനും ഇറാന് സാധിക്കും. അതേ സമയം ആയുധങ്ങള് അടക്കം നല്കുന്നതിനാല് ഇസ്ലാമിക ആശയങ്ങള്ക്ക് വേണ്ടി ആരെയും കൊല്ലും.
അര്ധസൈനിക പിന്തുണ, നിയമവാഴ്ച, സദാചാരപൊലീസ് തുടങ്ങിയ സേവനങ്ങളാണ് ബസിജ് ആര്മി നല്കുന്നത്. ആയത്തൊള്ള ഖൊമേനിയെ വിമര്ശിക്കുന്നവരെ അടിച്ചമര്ത്തുന്നതില് കുപ്രസിദ്ധരാണ് ബസിജ് ആര്മി. ഇറാനില് സര്ക്കാരിനെതിരെ പ്രതിഷേധിക്കുന്നവരെ ശക്തമായി അടിച്ചമര്ത്തുന്നവരാണ് ബസിജ് ആര്മി. ഇറാനില് പൊലീസിന്റെ തടവില് മാഷാ അമിനി കൊല്ലപ്പെട്ടശേഷം ഇറാനിലുണ്ടായ കലാപങ്ങളെ ഇരുമ്പുമുഷ്ടികൊണ്ട് അടിച്ചമര്ത്തുന്നതില് സുപ്രധാനപങ്ക് വഹിച്ചവരാണ് ബസിജ് ആര്മി. ഇറാന് സര്ക്കാരിനെ എളുപ്പത്തില് ഉപയോഗിക്കാവുന്ന, പൂര്ണ്ണമായും ബ്രെയിന് വാഷ് ചെയ്യപ്പെട്ട, സായുധസേന തന്നെയാണ് ബസിജ് ആര്മി. ആയത്തൊള്ള ഖമേനിയുടെ ഇസ്ലാമിക ഭരണത്തിലെ ഏറ്റവും പരിഷ്കൃതമെന്ന് തോന്നിക്കുന്നതും അങ്ങേയറ്റം ഇരുമ്പുമുഷ്ടിയുള്ളതുമായ സേനയാണ് ബസിജ് ആര്മി.
ഇസ്രയേല് ലക്ഷ്യം ഖമനേയിയുടെ അധികാരകേന്ദ്രങ്ങള് തച്ചുതകര്ക്കല്
ഖമനേയി സര്ക്കാരിന്റെ അധികാരകേന്ദ്രങ്ങള് ഒന്നൊന്നായി തകര്ക്കുകയാണ് ഇസ്രയേല്. അതിന്റെ ഭാഗമായാണ് ആയിരക്കണക്കിന് സര്ക്കാര് വിമര്ശകരെ കൊന്നുതള്ളിയ ബസിജ് ആര്മിയുടെ ആസ്ഥാനം ഇസ്രയേല് തകര്ത്തത്.
മനുഷ്യാവകാശപ്രവര്ത്തകരെയും ഖമനേയി സര്ക്കാരിനെതിരെ കലാപകാരികളെയും അടിച്ചമര്ത്തുന്ന കണ്ണില്ച്ചോരയില്ലാത്ത അര്ധസൈനികവിഭാഗമാണ് ബസിജ് ആര്മി. സര്ക്കാര് വിരുദ്ധശബ്ദങ്ങള് അടിച്ചമര്ത്താന് ആയത്തൊള്ള ഖമേനി സര്ക്കാര് വളര്ത്തിയതാണ് ഈ സമാന്തര സൈനികവിഭാഗം.
