തിരുവനന്തപുരം: ആശാവര്‍ക്കര്‍മാര്‍ക്ക് മൂന്ന് മാസത്തെ ഓണറേറിയം നല്‍കാന്‍ വേണ്ട തുക സര്‍ക്കാര്‍ അനുവദിച്ചു. ജൂണ്‍ മുതല്‍ ഓഗസ്റ്റ് വരെയുള്ള മാസങ്ങളില്‍ ഓണറേറിയം ആയി നല്‍കേണ്ട തുകയാണ് മുന്‍കൂര്‍ അനുവദിച്ചത്.
ആറ് മാസത്തെ തുക മുന്‍കൂര്‍ അനുവദിക്കണമെന്നാണ് നാഷണല്‍ ഹെല്‍ത്ത് മിഷന്‍ സ്റ്റേറ്റ് മിഷന്‍ ഡയറക്ടര്‍ സര്‍ക്കാരിനോട് ആവശ്യപ്പെട്ടത്.എന്‍എച്ച്എമ്മിന് സര്‍ക്കാരില്‍ നിന്ന് അനുവദിക്കുന്ന തുക ആശ പ്രവര്‍ത്തകര്‍ക്ക് വിതരണം ചെയ്യുകയാണ് പതിവ്.
സംസ്ഥാനത്തെ 26125 ആശാ പ്രവര്‍ത്തകര്‍ക്ക് 7000 രൂപ വീതം പ്രതിമാസം ലഭിക്കുന്ന വിധത്തിലാണ് സര്‍ക്കാര്‍ തുക അനുവദിച്ചിട്ടുള്ളത്. ഓണറേറിയം കുടിശിക ഇല്ലാതെ ലഭ്യമാക്കണം. നിലവിലെ തുക വര്‍ദ്ധിപ്പിക്കണം എന്നിങ്ങനെ ആവശ്യങ്ങള്‍ ഉന്നയിച്ചാണ് ആശാവര്‍ക്കര്‍മാര്‍ സെക്രട്ടേറിയറ്റിന് മുന്നില്‍ സമരം ചെയ്യുന്നത്.
പ്രതികരിക്കാൻ ഇവിടെ എഴുതുക