പത്തനംതിട്ട: വീട്ടുകാര്‍ ആശുപത്രിയില്‍ പോയ നേരത്ത് വീട് കത്തിച്ച് നശിപ്പിച്ച സംഭവത്തില്‍ പ്രതിയെ പത്തനംതിട്ട പൊലീസ് പിടികൂടി. നരിയാപുരം ഇണ്ടിളിയപ്പന്‍ ക്ഷേത്രത്തിനു സമീപം താമസം കെ.ഭരത് കുമാറിന്റെ വീട് കത്തിച്ച പ്രതിയാണ് പിടിയിലായത്. ഭരത് കുമാറിന്റെ അയല്‍വാസിയായ രതീഷ് ഭവനം വീട്ടില്‍ രതീഷ് ചന്ദ്രനെ (40) ആണ് പത്തനംതിട്ട പൊലീസ് അറസ്റ്റ് ചെയ്തത്.
ഈ മാസം 11 ന് വൈകുന്നേരം 7 മണിയോടെയാണ് തീപിടിച്ച് ഉപകരണങ്ങള്‍ കത്തിനശിച്ചത്. വിവരമറിഞ്ഞ് പൊലീസ് ഉടനടി സ്ഥലത്തെത്തിയിരുന്നു.
കേസെടുത്ത് അന്വേഷണം ആരംഭിച്ച പൊലീസ് ശാസ്ത്രീയ അന്വേഷണവും നടത്തി. സംഭവത്തില്‍ പ്രതിയെ സംശയത്തിന്റെ അടിസ്ഥാനത്തില്‍ വിശദമായി ചോദ്യം ചെയ്തപ്പോള്‍ രതീഷ് കുറ്റം സമ്മതിക്കുകയായിരുന്നു.
പ്രതികരിക്കാൻ ഇവിടെ എഴുതുക: