കൊച്ചി: വെറും എട്ട് കോടി ചെലവില് നിര്മ്മിച്ച ദിലീപിന്റെ 150ാം സിനിമയായ പ്രിന്സ് ആന്റ് ഫാമിലി ആദ്യ 11 ദിവസത്തില് തന്നെ ലാഭത്തിലായിരുന്നു. 11ാം ദിവസം ഈ സിനിമയുടെ കളക്ഷന് 11.79 കോടിയായിരുന്നു. ഏകദേശം 47 ശതമാനം ലാഭം. അങ്ങിനെ ദിലീപ് ഏറെ നാളായി കൊതിച്ച ഹിറ്റ് സിനിമ പ്രിന്സ് ആന്റ് ഫാമിയിലൂടെ സാധ്യമായിരിക്കുന്നു. 30 ദിവസത്തെ പ്രദര്ശനത്തില് ഏകദേശം 24 കോടിയില് അധികം കളക്ഷന് നേടിയിരുന്നു.
ദിലീപ് എന്ന നായകന് തിരിച്ചുവന്നിരിക്കുകയാണ്. ഒരു കുടുംബത്തിന്റെ പ്രശ്നങ്ങളില് കുരുങ്ങിയ അവിവാഹിതനായ യുവാവായാണ് ദിലീപ് ഈ സിനിമയില് വേഷമിടുന്നത്. സമീപകാലത്ത് തിയേറ്ററുകളിൽ ശ്രദ്ധ നേടിയ ദിലീപ് ചിത്രങ്ങളിലൊന്നാണ് ‘പ്രിൻസ് ആൻഡ് ഫാമിലി’. മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫൻ നിർമ്മിച്ച ഈ ചിത്രം ഉപചാരപൂർവ്വം ഗുണ്ടാ ജയൻ, നെയ്മർ, ജനഗണമന, മലയാളി ഫ്രം ഇന്ത്യ എന്നീ ചിത്രങ്ങളുടെ ചീഫ് അസോസിയേറ്റ് ഡയറക്ടറായി പ്രവർത്തിച്ച ബിന്റോ സ്റ്റീഫൻ സംവിധാനം ചെയ്യുന്ന ആദ്യ ചിത്രമാണ്. ജൂണ് 20നാണ് സിനിമ ഒടിടിയില് റിലീസ് ചെയ്യുക. സീ5 ലാണ് പ്രിന്സ് ആന്റ് ഫാമിലി കാണാന് കഴിയുക.
ഒരു ബൂട്ടീക് ഉടമയായാണ് ദിലീപ് പ്രത്യക്ഷപ്പെടുന്നത്. തന്റെ സ്വഭാവത്തിന് നേര്വിപരീത സ്വഭാവമുള്ള പെണ്കുട്ടിയെ വിവാഹം കഴിക്കാനാണ് ദിലീപ് തീരുമാനി ക്കുന്നത്. ദിലീപിനൊപ്പം ധ്യാൻ ശ്രീനിവാസൻ, ജോസ് കുട്ടി ജേക്കബ്, ബിന്ദു പണിക്കർ, സിദ്ധിഖ്, മഞ്ജു പിള്ള, ഉർവ്വശി, ജോണി ആന്റണി, അശ്വിൻ ജോസ്, റോസ്ബെത് ജോയ്, പാർവതി രാജൻ ശങ്കരാടി എന്നിവരും ചിത്രത്തിൽ ശ്രദ്ധേയമായ കഥാപാത്രങ്ങളെ അവതരിപ്പിച്ചു.
ലിസ്റ്റിൻ സ്റ്റീഫൻ നിർമ്മിച്ച ജനഗണമന, മലയാളി ഫ്രം ഇന്ത്യ എന്നീ ചിത്രങ്ങൾക്ക് ശേഷം ഷാരിസ് മുഹമ്മദ് രചന നിർവ്വഹിക്കുന്ന ചിത്രമാണിത്. സൗണ്ട് മിക്സ് എം ആർ രാജകൃഷ്ണൻ. രെണ ദിവെ ആണ് ചിത്രത്തിന്റെ ഛായാഗ്രഹണം.
